"Inter" bosh murabbiyi Roberto Manchini o'zini yarim himoyachi Adem Lyayich bilan tenglashtirmaslikni so'radi. Murabbiyning fikriga ko'ra "Roma"dan ijaraga olingan Lyayich o'z ustida ishlashga ko'p e'tibor qaratmayapti.
"To'g'ri, men ham Lyayich kabi o'ynaganman, ammo u kabi 25 yoshda emas, 16 yoshda shunday darajada bo'lganman. Albatta unda etarlicha mahorat bor, biroq shu bilan birga professionallikni ham saqlab qolish kerak. Axir futbolchining faoliyati juda qisqa vaqt davom etadi.
Ko'plab futbolchilar aynan shu jihatga e'tibor qaratmaydilar. Adem o'z imkoniyatlarini yuzaga chiqarib, jamoaga ko'proq naf keltirishga intilishi kerak.
U har kuni 2-3 soat futbolga e'tibor qaratishi lozim. Bu u qadar qiyin emas. Iqtidorini bu qadar oson yo'qqa chiqaradigan futbolchi - futbol uchun katta yo'qotish", - deydi Manchini.
— deya xabar beradi uff.uz nashri.