"Qo'qon-1912" bilan uchrashuv arafasida "Paxtakor" hujumchisi Igor Sergeevning o'yin oldidan fikrlarini e'tiboringizga taqdim etamiz.
"Paxtakor" "Andijon" bilan bellashuvdan so'ng "Qo'qon-1912"ga qarshi bahsga tayyorgarlikni boshladi. Bu xususida Igor shunday fikr bildirdi:
- O'yinga jiddiy tayyorgarlik ko'ryapmiz. Murabbiylar raqibning kuchli va zaif tomonlari to'g'risida ma'lumot etkazishmoqda. Mashg'ulotlarda o'yinga taalluqli jihatlar ustida ishlayapmiz. Birinchi turda ba'zi xatolarga yo'l qo'ydik. Ularni tuzatish uchun barcha harakat qilmoqda. Himoyada ham, hujumda ham xatolar yuzaga keldi. Jamoaviy mashg'ulotdan tashqari barcha o'zining kamchiliklarini to'g'rilashga intilyapti. Tayyorgarlik juda yaxshi ketmoqda.
Sergeev o'tgan mavsumda "Qo'qon-1912" bilan kechgan uchrashuvlarda uyda va safarda to'p kiritgandi. Raqibga u quyidagicha ta'rif berdi:
- "Qo'qon-1912" yaxshi shakllangan jamoa. Ular doim keskin qarshilik ko'rsatishga intilishadi. O'tgan yili bu jamoa bilan o'yinlarda gol urganman, lekin bu o'tib ketdi. Raqib ham bizning o'yinni ko'rib chiqib, shunga yarasha xulosalar chiqaradi. Raqibga jiddiy munosabatda bo'lishimiz kerak. Jamoa manfaati muhim. Biz ertaga g'alaba qozonishga harakat qilamiz. Men ham imkon qadar raqib darvozasiga to'p kiritib, jamoaga foyda keltirishga intilaman.
— deya xabar beradi uff.uz nashri.