“Inter” jamoasi bosh murabbiyi Roberto Manchini “PSJ” jamoasiga Zlatan Ibrohimovich bilan shartnomani uzaytirishga maslahat berdi. “Ibrohimovich hatto 34 yoshida ham jamoasiga natija keltirmoqda. Buni EChL o'yinlarida ham ko'rdik. Parijliklar o'rnida bo'lganimda, uni hech qaerga qo'yib yubormasdim. “Inter” Zlatanni qo'lga kirita oladimi? Bu jamoa rahbariyati va transferlar rejasiga bog'liq. Biz uchun “PSJ” futbolchilarini Italiyaga jalb qilish qiyin bo'ladi”, – deydi Manchini. Eslatib o'tamiz, shvetsiyalik tajribali futbolchining parijliklar bilan amaldagi shartnomasi joriy yilning yakunida o'z nihoyasiga etadi. Avvalroq, Zlatan Ibrohimovichning agenti Mino Rayola mavsum tugagach uning mijozi qaysi jamoaga o'tishi aniq ekanini aytib o'tgandi. 
— deya xabar beradi uff.uz nashri.