15 mart kuni “Traktorsozi” bilan uchrashuv “Paxtakor” uchun xalqaro maydondagi 100-bellashuvga aylanadi.

Hozirgacha jamoamiz Osiyo klublari musobaqalarida 99 o'yinda maydonga tushib ulgurdi. Shulardan 83tasida Chempionlar ligasining hozirgi formatida, qolgan 16 bellashuvni Osiyo klublari chempionati va Kubok egalari Kubogida o'tkazgan. 43 o'yinda zafar quchgan “sherlar” 18 marta durang o'ynashgan va 38 uchrashuvda raqibning qo'li baland kelgan. Raqiblar darvozalariga 158 to'p kiritilib, 143 bor to'p o'tkazib yuborilgan. Bu ko'rsatkich borasida “Paxtakor” O'zbekiston klublari orasida peshqadamga aylangan va yuzlik marrani birinchi bo'lib kesib o'tadi.
— deya xabar beradi uff.uz nashri.