“Lester Siti” jamoasi bosh murabbiyi Klaudio Raneri klub futbolchilariga chempionlik haqida orzu qilishda davom etishi kerakligini aytib o'tdi. “O'tgan mavsum yakunlanishiga 9 tur qolganida “Lester” xavfli zonadan joy olgan va APLda jon saqlab qolish uchun kurashgandi. Futbolchilarga doim bir narsani ta'kidlayman: bu o'zgacha mavsum, bunaqasi boshqa bo'lmasligi mumkin. Grand jamoalarda muammolar ko'p, biz esa sifatli futbol namoyish qilyapmiz. Men futbolchilarga chempionlik haqida orzu qilishni aytaman. Buning hech qanday yomon joyi yo'q”, – deydi italiyalik murabbiy. Eslatib o'tamiz, APL 30-turidan so'ng “Lester” 60 ochko to'plagan holda peshqadam bo'lib turibdi. “Tulkilar”ning eng yaqin ta'qibchisi “Tottenxem”da 55 ochko mavjud. “Arsenal” 52 ochko bilan uchinchi o'rinda bormoqda.   
— deya xabar beradi uff.uz nashri.