Osiyo chempionlar ligasining guruh bosqichida ketma-ket ikkinchi bor ishtirok etayotgan “Lokomotiv” o'zining navbatdagi uchrashuvini 15 mart kuni o'tkazadi. “Temiryo'lchilar” safarda “Sepaxon” mehmoni bo'ladi. “Lokomotiv” futbol klubi vakillari bugun Toshkent vaqti bilan soat 10:00 da Isfahon shahri tomon parvoz qildi va qariyb uch soatdan so'ng manzilga etib keldi. Delegatsiya a'zolari shahardagi “Parsian Kowsar” mehmonxonasiga joylashdi. Shuni aytish lozim, bu erda mahalliy vaqt Toshkent vaqtidan bir yarim soat farq qiladi (ya'ni, bu er bizdan bir yarim soat orqada). Ertaga odatga ko'ra har ikkala jamoa murabbiylari va futbolchilari ishtirokida o'yinoldi matbuot anjumani, shuningdek menejerlar mitingi bo'lib o'tadi.
— deya xabar beradi uff.uz nashri.