Evropa chempionlari ligasi nimchorak finali javob uchrashuvlarining eng qiziqarlisi Londonda bo'lib o'tdi, nazarimda. Parijdagi bahs teng kurashlar ostida kechgan va maydon egalarining 2:1 hisobidagi g'alabasi bilan yakunlagandi. Garchi o'sha o'yinda “Chelsi” mag'lub bo'lgan esa-da juda yaxshi o'yin ko'rsatgan edi. Qolaversa, mehmonda urilgan gol himoyaviy o'yin namoyish etadigan “aristokratlar”ga ustunlik berar, 1:0 hisobidagi natija ularni EChL chorak finaliga olib chiqardi. O'yin kutilganidan-da shiddatli o'tdi, murosasiz kurashlarga boy bo'ldi. Biroq javob o'yinida ham “PSJ”ning qo'li ustun keldi va parijliklar musobaqadagi yurishini davom ettiradigan bo'lishdi.
Bularni qoralashdan maqsad allaqachon hamma bilib bo'lgan o'yin tafsilotlarini yana bir karra yodingizga solish emas aslida. E'tiborimizni uchrashuvdagi bir epizod tortdi. O'yinning qaysidir minutida “PSJ” himoyachisi Tyago Motta hamda “Chelsi” yarimhimoyachisi Sesk Fabregaslarning to'p uchun kurashda Sharq yakkakurash ustalari singari bir-biriga tashlanishdi. Oyoqlar ko'krak barobar ko'tarildi.
Har ikki futbolchi bir-biriga zarba berdi. Og'riq ancha kuchli bo'ldi. Ayniqsa, Fabregasniki. Har holda butsaning tishlari metaldan. Bunday oyoq kiyim bilan berilgan zarba ko'krak qafasini qattiq shikastlashi, suyakni sindirishi hech gap emas.
Tafsilot.uz shu voqea sabab bo'lib, futbolchilarning futbolga xos bo'lmagan xatti-harakatlarini o'rgandi. Ma'lum bo'lishicha, “Kun-fu futbol” filmi qahramonlariga havam qilganlar ancha-muncha ekan. Keling, birma-bir ular bilan tanishib chiqamiz.
Futboldagi kun-fu haqida gap ketganda ko'pchilik, eng avvalo, Nayjel de Yongni eslashi shubhasiz. 2010 yilgi jahon chempionati finalida Gollandiya va Ispaniya milliy terma jamoalari to'qnash kelishdi. Muxlislar mazkur o'yindan ham ko'ra Nayjel de Yong va Xabi Alonso o'rtasidagi to'qnashuvni ko'proq eslashadi.
O'yinning 29-daqiqasi o'tib borayotgan bir paytda Xabi Alonso maydon markazida to'p egallashga harakat qilayotib, kutilmaganda dahshatli zarbaga ro'baro' bo'ladi. Ispan futbolchisi og'riqdan ikki bukilib qoladi. Har holda uning ko'kragiga berilgan zarba Mottaning Fargegasni tepgandagidan ancha kuchli va qo'rqinchli edi.
“Granada” futbolchisi azbaroyi Nayjel de Yongga havas qilganidan “Malaga”ga qarshi o'yinda uni takrorlab ko'radi. Ushbu “spektakl”da Xabi Alonso rolini o'ynash Diego Buonanotte chekiga tushadi.
“Bryugge” himoyachisi  Tom Xedli futbolda karate usullarini qo'llash taqiqlanganini bilmaydi shekilli. Yo'qsa o'yinning 86-daqiqasida sakragan ko'yi “Gent” futbolchisi Yosin al-G'anasiyning boshiga bunday zarba bermagan bo'lardi. Sudya Xedlinining “xizmat”ini quruq qo'ymaydi, uni haqli ravishda alvon rangdagi kartochka bilan siyladi.
Kun-fu futbol nafaqat 2010 yilgi mundialda, balki 2014 yili Braziliya maydonlarida bo'lib o'tgan jahon chempionatida ham kuzatilgan. Futbolchilar yo'inlar davomida bir emas, ikki emas, bir necha marta yakkakurash usullarini ishga solishgan.
Davomi Tafsilot.Uz blogida.
— deya xabar beradi uff.uz nashri.