«Volfsburg» hujumchisi Maks Kruze taksida 75 ming evro pulini unutib qoldirgani uchun yana 25 ming evro jarimaga tortildi.
Xabar qilinishicha, futbolchi poker o'yiniga berilib ketgan va taksida yirik miqdorda pulni unutib qoldirgan. Voqea Berlinda ro'y bergan. Shundan so'ng Kruze politsiyaga murojaat qilgani aytilmoqda. «Volfsburg» futbolchining bu qilmishini nojoiz deb baholadi va futbolchini jarimaga tortdi.
"Buncha miqdordagi mablag'ni, boz ustiga naqd pulda umrida ko'rmaganlar bor. Biz Maksga maydon tashqarisida o'zini qanday tutishi lozimligini tushuntirdik. Umid qilamizki, u to'g'ri xulosa chiqaradi", - deydi klub direktori Klaus-Allofs.

— deya xabar beradi uff.uz nashri.