"UZREPORT TV" telekanali Evropa Chempionlar ligasi 1/8 finalidan o'rin olgan "Atletiko" - "PSV" va "Bavariya" - "Yuventus" klublari o'rtasidagi o'yinlarni "jonli" efirda namoyish qiladi. Jumladan, 15 martdan 16 martga o'tar kechasi Toshkent vaqti bilan soat 00:45da Madriddagi "Visente Kalderon" stadionida "Atletiko" klubi Gollandiyaning "PSV" jamoasini qabul qiladi. Mazkur jamoalar ishtirokidagi dastlabki o'yinda 0:0 hisobidagi durang qayd etilganini g'am eslatib o'tish zarur. 16 martdan 17 martga o'tar kechasi Myunxendagi "Alyants Arena" o'yingohida esa "Bavariya" klubi Turinning "Yuventus" jamoasiga qarshi maydonga tushadi. Italiyada kechgan dastlabki o'yinda 2:2 hisobidagi durang qayd etilgandi. Futbol muxlislari yuqoridagi ikkita uchrashuvni "UZREPORT TV" telekanali orqali to'g'ridan-to'g'ri efirda tomosha qilishlari mumkin.
— deya xabar beradi uff.uz nashri.