«Barselona» klubi sobiq himoyachisi Erik Abidal jamoadan ketishi bilan bog'liq tafsilotlarni yodga oldi.
Himoyachi 2013 yilda «Barselona»dan ketgan edi. O'sha vaqtda Abidal jigaridagi xavfli o'sma tufayli ikki marta jarrohlik amaliyotini boshidan kechirgan edi. Shunga qaramay himoyachi «Barselona»da o'ynashga umid qilgan va klub rahbariyati yangi shartnoma taklif qilishini kutgandi. Ammo kataloniyaliklar Abidal bilan hayrlashishni ma'qul ko'rishdi.
"Qaror qabul qilingan edi. Men esa faqat uni qabul qilishim kerak bo'lgandi. Boz ustiga men hech narsa deya olmasdim, boisi «Barselona» bilan shartnomam yakuniga etib qolgandi.
Ammo «Barselona» hammasini ochiq-oydin aytganda yaxshi bo'lar edi. Ular: "Senda rak kasalligi bor, o'sma bor va biz kelasi mavsum senga ishonch bildira olmaymiz", deyishganda, boshqa gap edi. Buning o'rniga esa professional qaror haqida gapirdilar", - deydi Abidal.
— deya xabar beradi uff.uz nashri.