Frantsiya terma jamoasi bosh murabbiyi Dide Desham Madridning "Real" klubi hujumchisi Karim Benzema haqida fikrlarini bildirib o'tdi.
"Men har doim o'z futbolchilarimni himoya qilib kelganman. Bunga qadar Benzema xatoga yo'l qo'yganini aytgan edim, ammo men uni muhokama qilish huquqiga ega emasman.
Matbuot bu ishga haddan ortiq e'tibor qaratmoqda. Bu esa ikki kishining o'rtasidagi gap edi. Nima bo'lmasin, bu borada sud o'z hukmini chiqaradi. Men Benzemani ko'p himoya qilishimni aytmoqdalar. Ammo u sud tomonidan aybdor deb topilmas ekan, aybdor bo'lib qolmaydi.
Biz hamma gapdan ham xabardor emasmiz. Benzema matbuotda tasvirlanganidek emas. Aslida u butkul boshqacha inson. Men uni xuddi boshqa futbolchilarimni hurmat qilgandek hurmat qilaman", - deydi Desham.
Eslatib o'tamiz, biroz vaqt muqaddam Frantsiya futbol federatsiyasi prezidenti Noel Le Gre Benzema terma jamoaga qaytarilmasligini aytgani xabar qilingan edi.
— deya xabar beradi uff.uz nashri.