Bugun Qozog'iston poytaxti Astana shahrida sport kurashlari bo'yicha XXXI yozgi Olimpiada o'yinlarining yo'llanmalari o'ynaladigan Osiyo saralash turniri boshlanadi.
O'zbekiston sport kurashlari assotsiatsiyasidan ma'lum qilinishicha, musobaqa oldidan yunon-rim kurashi bo'yicha terma jamoamiz tarkibiga bir qator majburiy o'zgarishlar kiritilgan.
Jumladan, so'nggi mashg'ulotlarning birida jarohat olgan Elmurat Tasmuradov (-59 kg) o'rniga mamlakatning amaldagi chempioni Feruz To'xtaev bahslarda ishtirok etadigan bo'ldi.
Shuningdek, murabbiylar kengashining qaroriga ko'ra yakuniy o'quv-yig'in mashg'ulotida o'zini har tomonlama ko'rsata olgan Nurbek Xolmuhammatov (-66 kg) Aram Vardanyan o'rniga, Jahongir Turdiev (-98 kg.) esa Suxrob Fattoev o'rniga qit'aviy saralash musobaqasida bahs yuritadigan bo'ldi.
Qit'aviy saralash turnirining jadvali quyidagicha:
Bellashuvlar Olimpiya vazn toifalarida o'tkaziladi. Ya'ni,
Erkin kurashda: 57, 65, 74, 86, 97, 125kg. vazn toifalarida
Ayollar kurashida: 48, 53, 58, 63, 69, 75kg. vazn toifalarida
Yunon-rim kurashida: 59, 66, 75, 85, 98, 130kg. vazn toifalarida
18 mart
Erkin kurash - 57, 74 kg; yunon-rim kurashi - 59, 85 kg; ayollar kurashi - 53, 69 kg.
19 mart
Erkin kurash - 65, 97 kg; yunon-rim kurashi - 75, 130 kg; ayollar kurashi - 58, 75 kg.
20 mart
Erkin kurash - 86, 125 kg; yunon-rim kurashi - 66, 98 kg; ayollar kurashi - 48, 63 kg. Shavkat Jalilov O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.