Shveytsariyaning Non shahridagi UEFA tashkiloti qarorgohida Evropa Chempionlar ligasi musobaqasining chorak final juftliklarni aniqlash uchun qur'a tashlash marosimi boshlandi.
Biz ushbu sahifa orqali qur'a jarayonini yoritib borishga harakat qilamiz.
Shu kungacha etib kelgan sakkiz jamoaning nomlari alifbo bo'yicha saralab qo'yilgan. Qur'a jarayoni ko'r-ko'rona bo'lib o'tadi. Ya'ni, istalgan jamoa ixtiyoriy jamoaga ro'baro' kelishi mumkin.
Jamoalar bilan tanishing:
"Atletiko"
"Bavariya"
"Barselona"
"Benfika"
"Volsburg"
"Manchester Siti"
"PSJ"
"Real" Madrid ***** 15.14: "To'qqiz yildan beri ketma-ket chorak finalga chiqqanimizning o'zi kattagina statistikani ko'rsatmoqda. Yana boshqa shunaqa jamoa borligini bilmayman. Men chorak finalda faqatgina bitta jamoaga qarshi tushmaslikni istayman. U - "Barsa"!", - deydi Luis Enrike, "Barselona" bosh murabbiyi 15.20: "To'g'ri, Bundesligada omadimiz chopmayapti. Ammo, EChLda yaxshi ishtirok etyapmiz. Agar keyingi bosqchiga chiqa olsak xursand bo'lardim", - deydi Klaus Allofs, "Volfsbur" bosh direktori 15.25: "Barselona" ishqibozlari shu bosqchidayoq "Real"ga ro'baro' kelishni istashyapti. Buni so'rovnomadan bilib oldik. Ular o'zlarining asosiy raqiblarini shu bosqichdayoq yo'qqa chiqarishni xohlashmoqda. Agar jiddiy aytadigan bo'lsam, "Barsa" chorak finalda "Bavariya" va "Real"ga duch kelishni istamaydi", - deydi Yozef Valker, madridlik jurnalist 15.38: "Agar uzoqroqqa borishni istasak shu bosqchidayoq kuchli raqiblarni engish kerak. Ular bilan finalga yaqin uchrashgandan ko'ra, hozir yutishimiz lozim. Ko'rinib turibdiki, "Barselona" va "Bavariya" jamoalari etakchilar hisoblanishadi. Ularga tushib qolmasak zo'r bo'lardi", - deydi Serxio Aguero, "Manchester Siti" hujumchisi 15.43: "Yarim finalga chiqishni istaysizmi? Unda istalgan raqibni engishga tayyor bo'lishingiz lozim", - deydi Xosep Gvardiola, "Bavariya" bosh murabbiyi 15.47: "Biz mag'lubiyatsiz seriyalarimizni yangilab, rekord qilishga intilmayapmiz. Agar yarim finalga chiqsak bundan faqat xursand bo'laman", - deydi Lionel Messi, "Barselona" hujumchisi 15.55: "Bu bosqichga oson raqibning o'zi etib kelmaydi. Barcha jamoalar o'zlarining eng yaxshi jihatlarini ko'rsata olishdi. Biz kimga tushishimizdan qat'iy nazar raqibni hurmat qilamiz. "Real" o'z uslubini saqlab qoladi", - deydi Keyrlor Navas, "Real" darvozaboni 16.00: Qur'a marosimi boshlandi! 16.05: Kirish qismi davom etmoqda 16.07: Juftliklarni italiyalik sobiq himoyachi Janluka Zambrotta aniqlab beradi
— deya xabar beradi uff.uz nashri.