«MYu» himoyachisi Matteo Darmian «Old Trafford»dan ketish niyati yo'qligini bildirdi.
- Men Manchesterda o'zimni baxtli his qilmoqdaman. «MYu»dan taklif olganimda uzoq o'ylab o'tirmaganman. Bu klub dunyoda eng muhim ahamiyatga ega jamoalardan hisoblanadi.
Men mavsumni yaxshi boshladim va klubdagi barcha insonlardan xursandman. Yanvarda ketishim haqidagi xabarlar esa mening faqat kulgumni qistadi. «MYu»da o'zimni baxtli his qilmoqdaman.
Mening uzoq muddatli shartnomam bor va uni oxiriga qadar o'ynash haqida o'ylamoqdaman, - deydi himoyachi.
Eslatib o'tamiz, 26 yoshli Darmian 2015 yilning iyul oyida «MYu»ga o'tgan edi va ayni vaqtda yana uch yillik shartnomaga ega.
— deya xabar beradi uff.uz nashri.