FIFA kunlari munosabati bilan Oliy ligada qisqa tanaffus vujudga keldi. Bundan unumli foydalanishga harakat qilayotgan “Qo'qon-1912” jamoasi Dang'ara tumanidagi stadionda “Neftchi” o'rinbosarlariga qarshi nazorat uchrashuvini o'tkazdi. O'ziga xos derbi maqomiga ega bo'lgan o'yinda tashabbus to'liq “Qo'qon-1912” futbolchilari tomonida bo'ldi. Birinchi bo'limda hisob ochilmagan bo'lsa-da, Mirjalol Qurbonov, Otabek Haydarov va Navro'z Alimovlar raqib darvozasini ishg'ol etishga yaqin kelishdi. Ularning zarbalari darvoza ustuniga tegdi. Ikkinchi bo'limda yanada shiddatli hujumlar tashkil etgan “Qo'qon-1912” jamoasi a'zolari ikki marta raqib darvozasini nishonga olishga muvaffaq bo'lishdi. Avvaliga Azizxon Ibragimov 61-daqiqada hisobni ochgan bo'lsa, uchrashuv yakunlanish arafasida, aniqrog'i, 88-daqiqada Abdul Aziz Yusupov ikkinchi marta farg'onaliklar darvozasini aniq nishonga olib, g'alabani mustahkamladi. Shu tariqa, jamoa O'zbekiston Kubogi 1/8 final o'yini oldidan o'tkazilgan o'rtoqlik uchrashuvida ishonchli g'alabaga erishdi. Nazorat uchrashuvi “Qo'qon-1912” – “Neftchi” (o'rinbosarlar) – 2:0 (0:0) Gollar: A.Ibragimov 61, A. Yusupov 88. “Qo'qon-1912”: Andrey Baklanov (G'ayrat Hasanov-60), Doston Tursunov, Ilya Ilin (Iqbol Malikjonov-63), Furqat Hasanboev, Sardor Qahhorov (Orif Mamajonov-70, Mirjalol Qurbonov, Otabek Zokirov, Abdullox Olimov, Bahodir Akramov (Oybek Rustamov-70), Navro'z Alimov (Azizxon Ibragimov-63), Otabek Haydarov (Abdul Aziz Yusupov). “Neftchi” (o'rinbosarlar): Abdusattor Obidov, Abduqodir Ortiqov (Javohir Qurbonov-62), Islom Toshpo'latov (Asad Ma'murov), Abror Ismoilov, Xurshid Asqaraliev (Doston Rashidov-64), Ibrohim No''monov (Shuhrat Rahmonov-87), Mo'min maminjonov (Husanboy G'aniev-70), Sarvar Abdulaev (Anvar Abdulhaqov-56), Otabek Muhammadjonov, A'zam Xolmatov, Anvar Aminjonov (Mirjamol Ne'matov-57).
— deya xabar beradi uff.uz nashri.