Madridning «Real» klubi darvozaboni Keylor Navas «Sevilya»ga qarshi kechgan bahsda penaltidan yo'llangan zarbani qaytarishga muvaffaq bo'ldi.
Uchrashuvning 27-daqiqasida andalusiyaliklar futbolchisi Gameyro o'n bir metrlik belgidan zarba yo'lladi, ammo Navas bu zarbani bartaraf etdi. O'sha vaqtda madridliklar 1:0 hisobida oldinda borayotgan edilar.
O'yin «Real»ning 4:0 hisobidagi g'alabasi bilan yakunladi, Navas mavsum davomida qaytargan penaltilar soni esa uchtaga etdi. Bu ko'rsatkich ayni vaqtda Evropadagi kuchli beshlik darvozabonlari orasida eng yaxshisi bo'lib turibdi.
Shu bilan birga Keylor Navas Ispaniya chempionatida penaltilarni qaytarish bo'yicha o'rnatilgan rekordni takrorladi. Ilgarigi rekord ham «Real»ning sobiq darvozaboni Iker Kasilyasga tegishli edi. U 2008/2009 yilgi mavsumda uch marta o'n bir metrlik zarbani bartaraf etgan.
— deya xabar beradi uff.uz nashri.