"Milan" klubi vitse-prezidenti Adriano Galliani yarim himoyachi Kevin-Prins Boatengning agenti Federiko Pastorello bilan uchrashadi. Bu haqida TMW nashri xabar tarqatdi. Uchrashuvda ganalik xavbekning italyan klubidagi kelajagi muhokama qilinadi. Tomonlar hozir kelishuvga erishishmagan. 29 yoshli futbolchining amaldagi bitimi mavsum oxirida o'z nihoyasiga etadi. Boateng yozda "Milan"ni tark etishi ehtimoldan holi emas. Joriy mavsumda Boateng Italiya chempionatining 7ta o'yinida maydonga tushib, bitta gol kiritgan.
— deya xabar beradi uff.uz nashri.