Tavsiya qilamiz:
UzBARCA.COM - FC Barcelona Muxlislar sayti !!!
" Real madrid " muxlislari sayti !!!
"FUTBOL TV " Yangiliklar !!
" Real madrid " muxlislari sayti !!!
"FUTBOL TV " Yangiliklar !!
Pul uchun top-ligalardan ketgan yulduzlar (InterFUTBOL blogi)
Uesli Sneyder, Devid Bekxem, Samuel Eto~O, Asamoa Gyan - bular top-ligalardagi faoliyatdan ko'ra, top-maoshni ustun qo'ygan sara futbolchilardan ayrimlari. Ha, yulduzlarning eng oxirida kelajak uchun ozgina jamg'arma to'plash ilinjida Yaqin Sharq yoxud okean ortiga yo'l olishlari tabiiy holga aylanib bormoqda. Ammo ba'zilar bu masalada haddan ziyod shoshiladilar ham. Ya'ni evrofutbolni gullatishga qodir bo'la turib, mo'may shartnoma ortidan millionlar o'yini markazidan ketishni ma'qul ko'radilar. Quyidagi maqola shunday futbolchilar haqida.
Asamoa Gyan - 2011 yilning yozida, 25 yoshida «Sanderlend»dan «Al-Ayn» (BAA) klubiga o'tdi. Aytish mumkinki, u futbol va pul teng vaziyatda turganida, ikkinchisini tanlashdan zarracha uyalgani yo'q. Zero, Afrika futbolining oxirgi 10 yillikdagi eng yaxshi hujumchilaridan biri bungacha Italiya («Udineze», «Modena»), Frantsiya («Renn») va Angliya («Sanderlend»)da o'ynashga ulgurgan, muhimi, Evropada unga talab ham bor edi. Biroq Asamoa Angliyada mavsum davom etayotgan bir pallada mutlaqo kutilmagan holda, BAAga yo'l oldi - avvaliga ijara kelishuvi asosida, keyin esa to'laqonli shartnomaga muvofiq. Shu qadami bilan Gyanning o'zi oz bo'lmagan maoshi birdaniga naq 4 barobar oshdi. Ganalik hujumchi bunga ham qoniqmadi, chog'i, o'tgan yoz «Al-Ayn»ni tashlab, Xitoyning «Shanxay Shenxua» klubi safiga qo'shildi. Chin yurtida unga haftasiga chamasi 227 ming funt sterling miqdorida maosh to'lashyapti. Xullas, Asamoa ayni payt jahon futbolida eng ko'p maosh oluvchi o'yinchilardan biridir. Afrikalik hujumchi endi 30 yoshini qarshiladi, «Al-Ayn»da o'rtacha hisobda bitta o'yinda 1tadan ko'proq gol hosil qilgani esa keng ommani qiziqtirmadi, hisob. Bir tomondan, Gyanni shaxsiy tanlovi uchun ayblash noo'rin. Axir u cho'ntagini qappaytirish barobarida Osiyoda futbol rivojiga imkon qadar hissa qo'shmoqda-ku...
Felipe Kaysedo - 2014 yilning yanvarida, 25 yoshida Moskvaning «Lokomotiv» jamoasidan «Al-Jazira» (BAA)ga o'tdi. Ekvadorlik forvard vaqtida «Manchester Siti»ga tegishli edi. «Lokomotiv»ga esa Ispaniyaning «Levante»sidan keldi. E'tiborlisi, Felipe ispan diyorida ijara kelishuviga asosan o'ynab, g'oyat yaxshi taassurot qoldirgandi. Biroq Rossiyada ishlari uncha yurishmadi va u ko'proq pul topish ilinjida Osiyo futboliga yuzlandi. To'g'ri, Keysedo afrikalik Gyandan farqli o'laroq, arab diyorida uzoq qolmadi. Ya'ni atigi bir yildan so'ng Evropaga qaytdi va ikkinchi mavsumdirki, «Espanol»da chakki o'ynamayapti.
Fernando Muslera - 2011 yil, 25 yoshida «Latsio»dan «Galatasaroy»ga o'tdi. Turkiya albatta, BAA ham, Xitoy ham emas, lekin turk chempionatining «ko'hna qit'a»da etakchi ligalar sirasiga kirmasligi ham ayni haqiqat. Urugvaylik darvozabon esa Italiyada etarlicha hurmat topgan va mudom superklublar nigohida turardi. Umuman, u Turkiyaga yo'l olishigacha bir necha marta jahonning eng yaxshi kiperlari qatoriga qo'shilgandi. Xullas, Muslera o'z faoliyatining cho'qqisiga chiqqan va ko'pchilik uni top-ligalardan birida ko'rishni kutayotgan edi. Biroq «Galatasaroy» kuchli klublardan ko'proq maosh taklif qildi, chog'i, u turk zaminida o'ynashni ma'qul ko'rdi.
Paulino - 2015 yilning yozida, 27 yoshini qarshilashiga bir oy qolganida Xitoyga ko'chib o'tib, «Guanjou Evergrand» klubi bilan shartnoma tuzdi. Shundan 2 yilcha oldin «Tottenxem» uning uchun naq 17 mln. funt sterling to'lagan va hamma klub sohibi Deniel Levining navbatdagi muvaffaqiyatli transferni amalga oshirganini taxmin qilgandi. Chunonchi, Paulino o'sha vaqt Braziliya terma jamoasida asosiy yarim himoyachilardan sanalardi, shunga yarasha, ko'plab top-klublar e'tiborini o'ziga qaratgandi. Boz ustiga, taxminiy transfer narxi ancha baland ekanligi qayd etilgandi. Biroq braziliyalik iqtidor egasi amalda «Tottenxem»ning loaqal asosiy o'yinchisi darajasiga ham ko'tarilolmadi. Natijada APLdagi g'alati 2 mavsumdan so'ng «taqachilar» futbolchini xarid qilingan summadan deyarli ikki baravar arzon narxda sotishdi. Lekin Paulinoning o'zi Angliyadagi omadsizlik tufayli darhol taslim bo'lmay, deylik, Ispaniyaga yuzlanishi mumkin edi. Qolaversa, tumanli o'lkada ham boshqa bir qator klublar uning xizmatiga qiziqishayotgandi.
Jovani dos Santos - 2015 yilning yozida, 26 yoshida «Vilyarre-al»dan «Los-Anjeles Geleksi»ga ketdi. «Barselona» tarbiyalanuvchisi vaqtida jonajon klubida o'ta yorqin debyut qilgandi, biroq keyinchalik Xuande Ramosning taklifiga uchib, «Tottenxem» a'zosiga aylandi va ko'p o'tmay, Xarri Rednapp qo'l ostida «barbod» bo'ldi. Meksikalik hujumkor yarim himoyachi-forvard shundan so'ng faoliyatini yana Ispaniyada qayta jonlashtirishga urindi. Xususan, «Malorka»da va «Vil-yarreal»dagi birinchi mavsumda yomon o'ynagani yo'q. Biroq o'tgan yoz shu muvaffaqiyatli yurishini rivojlantirish o'rniga negadir MLSga yo'l oldi. To'g'ri, bu borada «negadir» iborasi uncha o'rinli emas - nega bo'lardi, albatta pul uchun-da...
Aleks Teysheyra - joriy yilning fevralida, 26 yoshida «Shaxtyor» (Donetsk)ni Xitoyning «Tszyansu Sunin» klubi bilan almashtirdi. Vaholanki, uning «Liverpul»dan qo'nim topishi kutilgandi. Eng yorqin misol: «Shaxtyor»ning braziliyalik navbatdagi supertopilmasi hozircha Fernandino, Villian yoki Duglas Kosta yo'lini takrorlagani yo'q. To'g'ri, Villian ham avvaliga sof futbolcha qarorga kelgan emasdi, ya'ni APLda paydo bo'lgunga qadar Rossiyada oz-moz o'ynash (pul ish-lash)ga ulgurdi. Ehtimol, Aleks Teysheyra ham hali evrofutbolga qaytar...
Matey Kejman - 2006 yilning yozida, 27 yoshida Madrid «Atletiko»sini tashlab, «Fenerbaxche» «askari»ga aylandi. Serb hujumchisi asr boshida PSV uchun shu qadar ko'p gol urdiki, «Chelsi» uni xarid qilishni paysalga solmadi. Biroq goleador Londonda goleadorlik fazilatini namoyish etolmadi va «Atletiko»da bir mavsum to'p surgach, Turkiya tomonlarga «qochdi». Oradan 2 yil o'tib, «PSJ»da ko'rinish berdi, ammo kech bo'lgandi. Yakunda Kejman Rossiya, Belarus va ...Gonkongda faoliyat yuritdi.
Elano - 2009 yilning yozida, 28 yoshida «Manchester Siti»dan «Galatasaroy»ga o'tdi. «Shaharliklar» uchun muhim o'rin tutuvchi yarim himoyachi o'sha vaqt yulduzlarni birin-ketin sotib olishni boshlagan klubda ortiqcha bo'lib qolgandi. Lekin bir qator nomdor jamoalar unga ehtiyoj sezishayotgandi. Shunga qaramay, Turkiyada o'ynash variantini tanlagan Elano klub futbolida etarli darajada shuhratga burganmadi. To'g'ri, «Galatasaroy»da o'ynab ham, Braziliya terma jamoasidan joy olaverdi, xususan, JCh - 2010da qatnashib, hattoki, 2ta gol urdi.
Ramires - yil boshida (yanvarda), 28 yoshida «Chelsi» bilan aloqani uzib, «Tszyansu Sunin» vakiliga aylandi. Xullas, u ham Xitoy futboli inqilobining qahramonlaridan biri. «Chelsi» bilan Evropada etarlicha g'alabalarni tantana qilgan (ChL, EL va APLda) yarim himoyachi oxirgi yillarda zaxira o'rindig'ida juda-juda zerikkandi, shunday bo'lsada, unda Evropadagi boshqa biror kuchliroq jamoa safiga qo'shilish imkoniyati yo'q emasdi. Ammo Ramires buyog'iga pul haqida bosh qotirish zarur, deb o'yladi, chog'i, xitoyliklar taklifini xursand holda qabul qildi.
Jervino - shu yilning yanvarida, 28 yoshida «Roma»dan ketib, Xitoyning «Xebey Forchun» klubi safiga qo'shildi. O'xshash syujetli yana bir tarix: hozirda ayrimlar uchun «Real»da ChL «pley-off» bosqichlarida kurash olib borish yoki «A» seriyasida kuchli uchlikka kirishga urinishdan ko'ra, Evropadan olisdagi Xitoyda o'ynash afzalroq...
Sebastyan Jovinko - 2015 yilning yanvarida, 28 yoshida «Yuventus»dan ketib, «Toronto» safini to'ldirdi. «Keksa sinora» tarbiyalanuvchisi harchand urinmasin, jonajon jamoasida superyulduzga aylanolmadi, baribir. Natijada o'tgan yili hafsalasi pir bo'lib, bu orzudan voz kechib qo'ya qoldi. Italiyalik mitti hujumchi MLSda ancha ko'p gol urmoqda, olayotgan maoshi esa yanada ko'proq. Aniqroq aytsak, kanadaliklar Jovinkoga yiliga 7 mln. dollar berishyapti. Undan birgina Kaka kattaroq maoshga ega.
Uesli Sneyder - 2013 yilning yanvarida, 28 yoshida «Inter» (Italiya)dan kechib, «Galatasaroy» libosini kiydi. «Neradzurralar» bilan klub futbolida mavjud deyarli barcha sovrinlarni yutgan, Gollandiya terma jamoasi safida jahon chempioni bo'lishiga bir bahya qolgan aqlli yigitning ushbu qadami ko'pchilikni ancha ajablantirdi. Aslida «Oltin to'p»ga bir necha marta da'vo qilgan, ammo unga etolmagan golland italyanlar bilan yangi shartnoma masalasida kelisholmay, Turkiyaga qiyo boqqandi. Ammo shunisi ham borki, o'sha payt uni «Manchester Yunayted»da intizor kutishayotgandi.
Davomi InterFUTBOL gazetasi blogida.
— deya xabar beradi uff.uz nashri.
Asamoa Gyan - 2011 yilning yozida, 25 yoshida «Sanderlend»dan «Al-Ayn» (BAA) klubiga o'tdi. Aytish mumkinki, u futbol va pul teng vaziyatda turganida, ikkinchisini tanlashdan zarracha uyalgani yo'q. Zero, Afrika futbolining oxirgi 10 yillikdagi eng yaxshi hujumchilaridan biri bungacha Italiya («Udineze», «Modena»), Frantsiya («Renn») va Angliya («Sanderlend»)da o'ynashga ulgurgan, muhimi, Evropada unga talab ham bor edi. Biroq Asamoa Angliyada mavsum davom etayotgan bir pallada mutlaqo kutilmagan holda, BAAga yo'l oldi - avvaliga ijara kelishuvi asosida, keyin esa to'laqonli shartnomaga muvofiq. Shu qadami bilan Gyanning o'zi oz bo'lmagan maoshi birdaniga naq 4 barobar oshdi. Ganalik hujumchi bunga ham qoniqmadi, chog'i, o'tgan yoz «Al-Ayn»ni tashlab, Xitoyning «Shanxay Shenxua» klubi safiga qo'shildi. Chin yurtida unga haftasiga chamasi 227 ming funt sterling miqdorida maosh to'lashyapti. Xullas, Asamoa ayni payt jahon futbolida eng ko'p maosh oluvchi o'yinchilardan biridir. Afrikalik hujumchi endi 30 yoshini qarshiladi, «Al-Ayn»da o'rtacha hisobda bitta o'yinda 1tadan ko'proq gol hosil qilgani esa keng ommani qiziqtirmadi, hisob. Bir tomondan, Gyanni shaxsiy tanlovi uchun ayblash noo'rin. Axir u cho'ntagini qappaytirish barobarida Osiyoda futbol rivojiga imkon qadar hissa qo'shmoqda-ku...
Felipe Kaysedo - 2014 yilning yanvarida, 25 yoshida Moskvaning «Lokomotiv» jamoasidan «Al-Jazira» (BAA)ga o'tdi. Ekvadorlik forvard vaqtida «Manchester Siti»ga tegishli edi. «Lokomotiv»ga esa Ispaniyaning «Levante»sidan keldi. E'tiborlisi, Felipe ispan diyorida ijara kelishuviga asosan o'ynab, g'oyat yaxshi taassurot qoldirgandi. Biroq Rossiyada ishlari uncha yurishmadi va u ko'proq pul topish ilinjida Osiyo futboliga yuzlandi. To'g'ri, Keysedo afrikalik Gyandan farqli o'laroq, arab diyorida uzoq qolmadi. Ya'ni atigi bir yildan so'ng Evropaga qaytdi va ikkinchi mavsumdirki, «Espanol»da chakki o'ynamayapti.
Fernando Muslera - 2011 yil, 25 yoshida «Latsio»dan «Galatasaroy»ga o'tdi. Turkiya albatta, BAA ham, Xitoy ham emas, lekin turk chempionatining «ko'hna qit'a»da etakchi ligalar sirasiga kirmasligi ham ayni haqiqat. Urugvaylik darvozabon esa Italiyada etarlicha hurmat topgan va mudom superklublar nigohida turardi. Umuman, u Turkiyaga yo'l olishigacha bir necha marta jahonning eng yaxshi kiperlari qatoriga qo'shilgandi. Xullas, Muslera o'z faoliyatining cho'qqisiga chiqqan va ko'pchilik uni top-ligalardan birida ko'rishni kutayotgan edi. Biroq «Galatasaroy» kuchli klublardan ko'proq maosh taklif qildi, chog'i, u turk zaminida o'ynashni ma'qul ko'rdi.
Paulino - 2015 yilning yozida, 27 yoshini qarshilashiga bir oy qolganida Xitoyga ko'chib o'tib, «Guanjou Evergrand» klubi bilan shartnoma tuzdi. Shundan 2 yilcha oldin «Tottenxem» uning uchun naq 17 mln. funt sterling to'lagan va hamma klub sohibi Deniel Levining navbatdagi muvaffaqiyatli transferni amalga oshirganini taxmin qilgandi. Chunonchi, Paulino o'sha vaqt Braziliya terma jamoasida asosiy yarim himoyachilardan sanalardi, shunga yarasha, ko'plab top-klublar e'tiborini o'ziga qaratgandi. Boz ustiga, taxminiy transfer narxi ancha baland ekanligi qayd etilgandi. Biroq braziliyalik iqtidor egasi amalda «Tottenxem»ning loaqal asosiy o'yinchisi darajasiga ham ko'tarilolmadi. Natijada APLdagi g'alati 2 mavsumdan so'ng «taqachilar» futbolchini xarid qilingan summadan deyarli ikki baravar arzon narxda sotishdi. Lekin Paulinoning o'zi Angliyadagi omadsizlik tufayli darhol taslim bo'lmay, deylik, Ispaniyaga yuzlanishi mumkin edi. Qolaversa, tumanli o'lkada ham boshqa bir qator klublar uning xizmatiga qiziqishayotgandi.
Jovani dos Santos - 2015 yilning yozida, 26 yoshida «Vilyarre-al»dan «Los-Anjeles Geleksi»ga ketdi. «Barselona» tarbiyalanuvchisi vaqtida jonajon klubida o'ta yorqin debyut qilgandi, biroq keyinchalik Xuande Ramosning taklifiga uchib, «Tottenxem» a'zosiga aylandi va ko'p o'tmay, Xarri Rednapp qo'l ostida «barbod» bo'ldi. Meksikalik hujumkor yarim himoyachi-forvard shundan so'ng faoliyatini yana Ispaniyada qayta jonlashtirishga urindi. Xususan, «Malorka»da va «Vil-yarreal»dagi birinchi mavsumda yomon o'ynagani yo'q. Biroq o'tgan yoz shu muvaffaqiyatli yurishini rivojlantirish o'rniga negadir MLSga yo'l oldi. To'g'ri, bu borada «negadir» iborasi uncha o'rinli emas - nega bo'lardi, albatta pul uchun-da...
Aleks Teysheyra - joriy yilning fevralida, 26 yoshida «Shaxtyor» (Donetsk)ni Xitoyning «Tszyansu Sunin» klubi bilan almashtirdi. Vaholanki, uning «Liverpul»dan qo'nim topishi kutilgandi. Eng yorqin misol: «Shaxtyor»ning braziliyalik navbatdagi supertopilmasi hozircha Fernandino, Villian yoki Duglas Kosta yo'lini takrorlagani yo'q. To'g'ri, Villian ham avvaliga sof futbolcha qarorga kelgan emasdi, ya'ni APLda paydo bo'lgunga qadar Rossiyada oz-moz o'ynash (pul ish-lash)ga ulgurdi. Ehtimol, Aleks Teysheyra ham hali evrofutbolga qaytar...
Matey Kejman - 2006 yilning yozida, 27 yoshida Madrid «Atletiko»sini tashlab, «Fenerbaxche» «askari»ga aylandi. Serb hujumchisi asr boshida PSV uchun shu qadar ko'p gol urdiki, «Chelsi» uni xarid qilishni paysalga solmadi. Biroq goleador Londonda goleadorlik fazilatini namoyish etolmadi va «Atletiko»da bir mavsum to'p surgach, Turkiya tomonlarga «qochdi». Oradan 2 yil o'tib, «PSJ»da ko'rinish berdi, ammo kech bo'lgandi. Yakunda Kejman Rossiya, Belarus va ...Gonkongda faoliyat yuritdi.
Elano - 2009 yilning yozida, 28 yoshida «Manchester Siti»dan «Galatasaroy»ga o'tdi. «Shaharliklar» uchun muhim o'rin tutuvchi yarim himoyachi o'sha vaqt yulduzlarni birin-ketin sotib olishni boshlagan klubda ortiqcha bo'lib qolgandi. Lekin bir qator nomdor jamoalar unga ehtiyoj sezishayotgandi. Shunga qaramay, Turkiyada o'ynash variantini tanlagan Elano klub futbolida etarli darajada shuhratga burganmadi. To'g'ri, «Galatasaroy»da o'ynab ham, Braziliya terma jamoasidan joy olaverdi, xususan, JCh - 2010da qatnashib, hattoki, 2ta gol urdi.
Ramires - yil boshida (yanvarda), 28 yoshida «Chelsi» bilan aloqani uzib, «Tszyansu Sunin» vakiliga aylandi. Xullas, u ham Xitoy futboli inqilobining qahramonlaridan biri. «Chelsi» bilan Evropada etarlicha g'alabalarni tantana qilgan (ChL, EL va APLda) yarim himoyachi oxirgi yillarda zaxira o'rindig'ida juda-juda zerikkandi, shunday bo'lsada, unda Evropadagi boshqa biror kuchliroq jamoa safiga qo'shilish imkoniyati yo'q emasdi. Ammo Ramires buyog'iga pul haqida bosh qotirish zarur, deb o'yladi, chog'i, xitoyliklar taklifini xursand holda qabul qildi.
Jervino - shu yilning yanvarida, 28 yoshida «Roma»dan ketib, Xitoyning «Xebey Forchun» klubi safiga qo'shildi. O'xshash syujetli yana bir tarix: hozirda ayrimlar uchun «Real»da ChL «pley-off» bosqichlarida kurash olib borish yoki «A» seriyasida kuchli uchlikka kirishga urinishdan ko'ra, Evropadan olisdagi Xitoyda o'ynash afzalroq...
Sebastyan Jovinko - 2015 yilning yanvarida, 28 yoshida «Yuventus»dan ketib, «Toronto» safini to'ldirdi. «Keksa sinora» tarbiyalanuvchisi harchand urinmasin, jonajon jamoasida superyulduzga aylanolmadi, baribir. Natijada o'tgan yili hafsalasi pir bo'lib, bu orzudan voz kechib qo'ya qoldi. Italiyalik mitti hujumchi MLSda ancha ko'p gol urmoqda, olayotgan maoshi esa yanada ko'proq. Aniqroq aytsak, kanadaliklar Jovinkoga yiliga 7 mln. dollar berishyapti. Undan birgina Kaka kattaroq maoshga ega.
Uesli Sneyder - 2013 yilning yanvarida, 28 yoshida «Inter» (Italiya)dan kechib, «Galatasaroy» libosini kiydi. «Neradzurralar» bilan klub futbolida mavjud deyarli barcha sovrinlarni yutgan, Gollandiya terma jamoasi safida jahon chempioni bo'lishiga bir bahya qolgan aqlli yigitning ushbu qadami ko'pchilikni ancha ajablantirdi. Aslida «Oltin to'p»ga bir necha marta da'vo qilgan, ammo unga etolmagan golland italyanlar bilan yangi shartnoma masalasida kelisholmay, Turkiyaga qiyo boqqandi. Ammo shunisi ham borki, o'sha payt uni «Manchester Yunayted»da intizor kutishayotgandi.
Davomi InterFUTBOL gazetasi blogida.
— deya xabar beradi uff.uz nashri.
Bosh sahifaga
618