«PSJ» hujumchisi Edinson Kavanining agenti va akasi Fernando Guglemonning aytishicha, futbolchi yozda Parij klubini tark etishi mumkin. Unga «Yuventus»dan taklif bor.
«Men ukam va Zlatan Ibrohimovich o'rtasidagi munosabatlar haqida ko'p eshitdim, biroq ularning hammasi ham haqiqatga mos emas. Edining aytishicha, u markaziy hujumda o'ynamoqchi, biroq uning kelajagi Ibra bilan bog'liq emas. Evropaning etakchi klublari ukamga qiziqish bildirayotgani meni hayratlantirmaydi.
«Yuventus»? Futbolda hamma narsa bo'lishi mumkin. Bu ajoyib tarixga ega nufuzli jamoa. Edinson hali «PSJ»da qolishi ham mumkin, biroq ketish ehtimoli ham yo'q emas. Bular ko'p jihatlarga bog'liq, biroq u hozirda Chempionlar ligasida qanday g'alaba qozonish haqida o'ylashi lozim», — deydi agent.
— deya xabar beradi uff.uz nashri.