Evropa matbuoti EChL finali haqida nima yozdi? Zidanning so'zlari, Ronalduning rekordi va Xames Rodrigesning qayg'usi – jahon ommaviy axborot vositalari diqqat markazida. Kataloniyadagi yangiliklar esa asosan Ernesto Valverdega taalluqli bo'ldi. EChL finali Evropaning o'nlab sport nashrlarida turli muhokamalarga sabab bo'ldi. Championat.com ko'hna qit'adagi jurnalistlarni ko'proq qaysi mavzu qiziqtirganini bilish maqsadida etakchi gazeta va jurnallar sarlavhalariga e'tibor qaratdi. ESPN: Ronaldu marrada Mazkur maqolada portugaliyalik yulduzning ilk sov­rinini aynan Kardiffdagi «Millenium» stadionida qo'lga kiritgani haqida yozilgan. Bu voqea 2004 yili sodir bo'lib, yakunda «Manchester Yunayted» Angliya kubogi sohibiga aylangandi. «O'shanda hakamning final hushtagidan so'ng Ronaldu tajribali jamoadoshlaridan muvaffaqiyatni qanday nishonlash lozimligini so'ragandi. Hozir esa o'sha stadion sahnasining markazidan joy olib, sheriklariga o'rnak bo'lmoqda. Uni to'xtatish imkonsiz». Marca: Taqdir yoqimtoylari; Evropa qirollari; Tarix yaratuvchilar Madrid portali finalni onlayn tarzda yoritdi, final hushtagidan so'ng 20ga yaqin maqola tayyorladi. Asosan, ko'pchilikka ma'lum faktlar e'tirof etildi: EChLdagi 12-g'alaba, Ronalduning gollari, Zidanning qatorasiga ikki marta muvaffaqiyat qozongani, ilk bor sovrinning himoya qilingani... Darvoqe, jurnalistlar Xames Rodrigesning stadionni hammadan oldin tark etib, birinchi bo'lib avtobusga o'tirganini ko'rishgan. Afsus! AS: 12 Gazetada uchrashuv hisoboti va «Real»ning yilni yuqori natija bilan yakunlagani haqida yozilgan. Saytda esa «Ronaldu «Oltin to'p»ga qo'l uzatmoqda» sarlavhali maqola joylandi. Yana bir nechta raqamlar: portugaliyalikning faoliyatidagi 600tadan ortiq gol, oltinchi marta EChLning eng yaxshi to'purari bo'lishi, joriy mavsum Chempionlar Ligasi chorak finalidan boshlab raqiblar darvozasini 10 marta ishg'ol qilishi: rekord ortidan rekord. Sport: Valverde Belerinni olib kelmoqchi «Real» Madrid g'alabasining Kataloniya matbuotida yoritilishi kamdan-kam uchraydigan holat. Mana, Sport buni amalda isbotladi. Nashr muqovasida azaliy raqibning 12-g'alabasi uchun kichkina joy ajratildi. Ularni Ektor Belerinning «Barselona»ga o'tishi mumkinligi ko'proq qiziqtiradi. Saytda esa chempionlikning nishonlanishi tartibi keltirib o'tilgan. Shuningdek, ushbu nashr «Real» muvaffaqiyati bilan bog'liq hangomalarni ham chop etdi. Ular orasida kulgililari kam, ammo yo'q emas. Mundo Deportivo: Tarixiy Zidan DAVOMI InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.