«Tottenxem» klubi va Angliya terma jamoasi hujumchisi Xarri Keyn «Oltin to'p» sovrinini yutib olishni maqsad qilganini aytib o'tdi. «Jahon miqyosidagi futbolchiga aylanmoqchiman. Men hali u bosqichga etib borganim yo'q. Baxtga qarshi bu darajaga etish uchun, xalqaro arenalarda o'zingni ko'rsatishing kerak. Klub miqyosida bir nechta yaxshi mavsumlarni o'tkazdim, ammo xalqaro futbol orqali yangi darajaga chiqishim kerak – buning uchun katta o'yinlar va muhim vaziyatlar kerak. Men 23 yoshdaman va umid qilamanki, o'rganish va yuksalish uchun oldinda ko'p vaqt bor. Men «Oltin to'p»ni qo'lga kiritish uchun barcha ishni qilaman. Bu aynan men erishishni xohlagan narsa. Ronaldu EChL va La Liga chempionligini qo'lga kiritdi, shuning uchun aynan u ushbu sovrinni oladi. Messida ham shunga o'xshash vaziyat. Bunga erishish uchun individual mahorat kamlik qiladi, sening jamoang sovrin yutishi kerak. Umid qilamanki, «Tottenxem»da bunga erishaman», — deya Keyn so'zlarini keltirmoqda Daily Mail nashri.
— deya xabar beradi uff.uz nashri.