Madridning «Real» klubi bir nechta futbolchi bilan shartnomani uzaytirmoqchi va ularning maoshlarini kupaytiradi, deya xabar qilmoqda AS nashri. Ushbu yo'l orqali klub o'z futbolchilariga ortda qolgan mavsumdagi yutuqlar uchun tashshakkur izhor etmoqchi. Gap himoyachilar Marselo Junior, Daniel Karvaxal va Nacho, yarim himoyachi Isko va hujumchi Karim Benzema haqida ketmoqda. Iskoning madridliklar bilan amaldagi shartnomasi 2018 yilgacha amal qiladi va jamoa unga 2022 yilga qadar mo'ljallangan kelishuv taklif etadi. Benzemaning «qaymoqranglilar» bilan amaldagi shartnomasi 2019 yilgacha kuchda turadi, biroq jamoa uni yana ikki yilga uzaytirmoqchi. Nachoning amaldagi shartnomasi 2021 yilga qadar mo'ljallanganini hisobga olib, kelishuv uzaytirilmagan, ammo futbolchining yillik maoshi ko'paytiriladi. Marselo va Karvaxalga keladigan bo'lsak, ularning klub bilan kelishuvi 2020 yilgacha ko'zlangan va ularga 2022 yilga qadar mo'ljallangan shartnoma taklif etiladi.
— deya xabar beradi uff.uz nashri.