Artur Parvanov bilan SHerzod SHaripov “Norin”da

Aytishlaricha tarkibga o'z vaqtida oliy ligada o'ynagan Artur Parvanov bilan SHerzod SHaripov ham kelib qo'shilgan. Bu bejiz emas albatta. CHunki ilgari ushbu futbolchilar Bozorov bilan birga “Lokomotiv”da o'ynagan. Darvozabon Parvanov o'tgan yili qo'shni Qirg'izistonda O'shning "Oloy" jamoasida o'ynagandi. SHaripov esa "SHo'rtan" sharafini himoya qilgan. Bulardan tashqari muxlislarimizga yaxshi tanish bo'lgan va o'z vaqtida “Andijon”, “Neftchi”, “Mashal” va “Qizilqum” kabi klublarda o'ynagan Anvar Abduqodirov ham ayni damda jamoa yig'inida ishtirok etmoqda. Yaqin orada Farruh Nurliboev ham kelishi mumkin. Aytish kerakki,  “Norin” ertaga “Yozyovon-Lochinlari” bilan nazorat uchrashuvida maydonga tushadi.