Kuni kucha ushbu mamlakatda mavsumning 2-tur bellashuvlari bo'lib o'tdi. Samarqandlik himoyachi Artyom Filiposyan Tailand yuqori divizionining “Prachuap” klubi sharafini himoya qilmoqda. Etiborli tomoni ushbu jamoada o'zbekistonlik futbol ishqibozlariga yaxshi tanish bo'lgan Adnan Oraxovac ham to'p tepmoqda.
SHanba kuni Tailand chempionatida 2-tur bahslari o'tkazilib, “Prachuap” klubi “Rayong”ni 2:0 hisobida mag'lub etdi. Uchrashuvda Filiposyan to'liq 90 daqiqa harakat qildi va o'yinning eng yaxshi futbolchisiga aylandi.
-Tailand chempionatida bellashuvlar haqiqatan ham juda shiddatli kecharkan,-deydi Filiposyan. – Ko'pchilik jamoalarda braziliyalik legionerlar bor. Ular yuqori saviyada to'p tepishmoqda. Albatta, bu erda havo bizga nisbatan issiq, namlik yuqori. SHunga qaramay muhitga moslashib ketdim, deb ayta olaman.
Ayni paytda Filiposyan to'p tepayotgan “Prachuap” ikki turdan so'ng olti ochko jamg'arib, turnir jadvalida “Samut Prakan Siti” jamoasi bilan qo'shhokimlik o'rnatgan.
“Prachuap” navbatdagi turni 10 mart kuni safarda “Buriram Yunayted”ga qarshi o'tkazadi.
Bosh sahifaga
283