Andijonda sportning barcha turlari, ayniqsa futbolni ommaviylashtirish bo'yicha tashkil qilinayotgan tadbirlar aholi va ishchi-xizmatchilar o'rtasida “millionlar o'yini”ga bo'lgan qiziqishini oshirmoqda.
Andijon viloyat futbol associaciyasi, viloyat Markaziy bank boshqarmasi bilan hamkorlikda bank xodimlari o'rtasida sog'lom turmush tarzini targ'ibot qilish uchunsport tadbiri tashkil qildi.
Viloyatda o'tkazilayotgan ommaviy sport oyligi munosabati bilan 16 fevral- 3 mart kunlari mini-futbol bo'yicha viloyatda faoliyat yuritayotgan tijorat banklari o'rtasida viloyat hokimi kubogi musobaqasio'tkazildi.
Musobaqada 16 tijorat banklari 4 guruhga bo'lingan holda shahardagi Andijon viloyati futbol associaciyasi mini-futbol arenasida kuch sinashdilar.
3 mart kuni musobaqaning final o'yini va tantanali yopilish marosimi bo'lib o'tdi.
Final musobaqasida o'z guruhida barcha raqiblarini enggan Agrobank ATB va Hamkorbank ATB jamoalari kuch sinashib, ko'plab tamoshabinlar ishtirokida bo'lib o'tgan o'yinda Hamkorbank xodimlaridan tuzilgan jamoa g'alaba qozondi.
Musobaqaning tantanali yopilish marosimida so'z olgan Andijon viloyat futbol associaciyasi birinchi vice-prezidenti Bekzodbek Karimov hamda viloyat Markaziy bank boshqarmasi rahbari Elyorbek Usmonovlar turnirda faol ishtirok etgan jamoalarga o'z minnatdorchiligini bildirdilar. Turli yo'nalishlarda o'zini namoyon etgan havaskor futbolchilarga alohida sovg'alar berildi.
Sovrindor jamoalarga medallar va mukofotlar bilan taqdirlanib, g'olib Hamkorbank jamoasiga viloyat Markaziy bank boshqarmasi rahbari Elyorbek Usmonov tomonidan kubok topshirildi.
Elmurod Ermatov, Andijon
Bosh sahifaga
251