Malumotlarga ko'ra, "Siti" uchinchi shaxslar tomonidan futbolchi huquqlarini sotib olish uchun Kayman orollarida ro'yxatdan o'tkazilgan fonddan foydalangan. Bu Angliyada taqiqlangan.
"Manchester Siti" direktorlar kengashi raisi Ferran Soriano 2012 yilda kataloniyalik Mark Ingl bilan Lyuksemburgda Mangrove konsalting kompaniyasini ro'yxatdan o'tkazgan. Ingl bir necha yil davomida Soriano bilan "Barselona"da birga ishlagan.
Ular 10 yil davomida Janubiy Amerikaning 70 nafar futbolchisi huquqini sotib olish uchun 30 mln. evro mablag' kiritishni reja qilishgan. Ichki hujjatlarga ko'ra, bu mablag'ni "Siti" ajratib bergan.
Bu vaqtda "Manchester Siti" prezidenti Haldun Al-Muborak Kayman orollarida MPI fondiga asos solgan. Aynan ushbu fond orqali argentinalik Bruno Skukulini transferi amalga oshirilgan edi. Bu fond "shaharliklar"dan pul oladigan "Mangrove"dan mablag' qabul qilgan.
Ammo Skukulini transferi amalga oshirilayotganda "Siti" APLga bu kompaniya va fond bilan aloqasi yo'qligini bildirgan. "Manchester Siti" bu malumotga izoh berishni istamadi.
Angliya futbol associaciyasidagilar "Siti"ga qarshi tekshiruv ishlari olib borayotganligini aytishdi. Bundan tashqari, Jeydon Sancho ham shunday transferlardan biri sifatida shubha qilinmoqda.
Bosh sahifaga
220