Jumladan, bir necha yillar davomida O'zbekistonning turli yoshdagi terma jamoalarida to'p tepib kelgan Zabihillo O'rinboev Yaponiya Jey-liga 2da harakat qiladigan "Tokusima Vortis" klubi bilan shartnoma imzoladi. Bu haqda futbol agenti Sanat SHaripov o'zining tvitterdagi sahifasida xabar berdi. Bundan tashqari, tokusimaliklar rasmiy sayti ham O'rinboev bilan shartnoma tuzilgani haqida xabar berdi.
Eslatib o'tamiz, "Paxtakor"ga tegishli bo'lgan Zabihillo o'tgan mavsumni ijara asosida Bekobodning "Metallurg" klubida o'tkazgan edi.
Malumot uchun, "Tokusima Vortis" klubiga 1955 yilda asos solingan. Jamoa uy uchrashuvlarini 20 ming muxlisga mo'ljallangan "Naruto Atletik" stadionida o'tkazadi. Bosh murabbiyi ispaniyalik Abel Mourelo Lopez.
"Tokusima Vortis" ayni paytda J2 ligasida ikki o'yindan so'ng 3 ochko bilan 22 jamoa orasida 11-pog'onada bormoqda. To'plar nisbati - 4:4.
Yaponiyadagi faoliyati davomida Zabihilloga omad va ko'plab gollar tilab qolamiz.
Bosh sahifaga
1788