Aksar tabiiy maydonlar esa davlat korxonalari yoki organ tashkilotlariga tegishli bo'lganli uchun o'yinlar o'tkazib bo'lmaydi. Ochiq maydonlar esa juda qimmat.
Bizga malum qilishlaricha juda ko'plab istedodlarni tarbiyalashda as qotgan Respublika olimpiya zaxiralari sport kollejining maydoni buzilish arafasida. Bugungi kunda ko'pchilik jamoalar o'zlari uchun qulay bo'lgan maydondan ayrilish arafasida turibdilar.
Undan tashqari, Respublika olimpiya zaxiralari kollejida tarbiya topayotgan 2002, 2003, 2004 yillarda tug'ilgan bolalarning asosiy maydonini boshqa sport turiga berilishi natijasida, O'zbekiston o'smirlar va yoshlar terma jamoasining natijasiga ham salbiy tasir ko'rsatishi mumkinligi haqida o'ylab ko'rilmayotgani achinarli. 2004 yillarda tavallud topgan O'zbekiston o'smirlar terma jamoasining asosiy qismi bugungi kunda aynan shu dargohda talim olayapti va shug'ullanayapti. 2020 yil tashkil etiladigan 2003 yilda tavallud topgan O'zbekiston yoshlar terma jamoasining ham negizi bugunda Olimpiya zaxiralar kollejida tarbiya topayapti.
2002, 2003 va 2004 yillarda tavallud topgan ROZSK tarbiyalanuvchilari shahar chempionatini aynan shu stadionda o'tkazib kelishadi. Tabiiy maydonda toblangan futbolchining sifati boshqalarga qaraganda sifatli bo'ladi. O'zbekiston o'smirlar va yoshlar terma jamoasining manfaati yo'lida ham bu maydonni yo'q bo'lishiga yo'l qo'ymaslik kerak, ertaga kech bo'ladi.
O'zbekiston Respublikasi Prezidenti SHavkat Mirziyoevning 2018 yilda qabul qilgan FUTBOLNI YANADA RIVOJLANTIRISH CHORA-TADBIRLARI TO'G'RISIDAgi qarorida ixtisoslashtirilgan olimpiya zaxiralari maktab-internatlaridagi futbol bo'limlarini qisqartirish va bo'shayotgan o'quvchi qabul qilish kvotalarini olimpiya va milliy sport turlariga, shu jumladan sportning o'yin turlariga yo'naltirishni to'g'risida band mavjud bo'lib, 2018 yil uning aksi qilindi. Qisqartilishi lozim bo'lgan internatga yangi qabul butunlay to'xtatildi.
Bu masalani O'zbekiston davlat jismoniy tarbiya va sport vaziri Dilmurod Nabiev yaxshilab o'rganib chiqadi va futbol maydonini bo'lishi hamda bundan bir necha yil avval aynan futbol uchun ochilgan katta dargohni, futbolsiz qolishini oldini oladi. Boisi ROZSK aynan vazirlik tasarrufidagi obekt hisoblanadi.
Mixail Andan tortib, Aleksandr Geynrixgacha, Server Jeparovdan Odil Ahmedovgacha tarbiya mashg'ulot olib borib kelgan stadionni saqlab qolish ham O'FA, ham Vazirlikning vazifasi!
Nig'mon Nozimov
Bosh sahifaga
234
