Kurtua joriy mavsumda "Real"ning asosiy darvozaboni sifatida ishtirok etmoqda. Kurtua "Real"ga kelishi bilanoq jamoaning ketma-ket 3 marotaba ECHLda g'olib chiqishiga katta hissa qo'shgan kiperi Navas zaxiraga o'tkazildi. Natijada belgiyalik posbon "Real"ning ichki chempionat va ECHLdagi o'yinlarida asosiy tarkib futbolchisiga aylandi. Navasga esa ECHL guruh bosqichi hamda La Ligada faqatgina 3tadan o'yin va Ispaniya Kubogi uchrashuvlarida imkoniyat berildi.
Kurtua "Real" safida hozirga qadar 30ta o'yin o'tkazishga ulgurdi. Statistikaga nazar soladigan bo'lsak, posbon o'tkazilgan uchrashuvlarning faqatgina 10tasida o'z darvozasi dahlsizligini saqlashga erishgan. Qolgan 20 uchrashuvda "Real" darvozasi raqiblar tomonidan jami 39 marotaba ishg'ol etilgan.
"Real" ayni paytda La Ligada peshqadam "Barselona"dan 12 ochko ortda qolib 3-o'rinda bormoqda. ECHLda esa jamoa 8 yildan buyon uzluksiz kamida yarim finalga qadar borib, bu orada 4 marotaba musobaqada g'olibga aylangandi. Joriy mavsum ECHLda "Real" o'z ishtirokini nimchorak finaldayoq tugatishga majbur bo'ldi. Bunday ko'rsatkich so'nggi bor 2009/10 yilgi mavsumda qayd etilgandi. SHu tariqa "Real" oxirgi 9 yillikdagi eng yomon natijasini qayta takrorladi.
Tibo Kurtuaning "Real"dagi statistikasi:
O'yinlar soni: 30
Quruq o'yin: 10
O'tkazilgan gollari soni: 39
Bosh sahifaga
336