Italiyaning mashhur nashrlaridan biri "Corriere dello Sport" birinchi sahifada "SHARMANDA" deb yozgan bo'lsa, "Tuttosport" "Tortib olingan g'alaba" haqida takidi, "Roma"ning ustidan kulishdi", – deb hisoblamoqda La Gazzetta dello Sport.
Jyuneyt CHaqir – butun boshli Italiya dushmani (va "Lacio" muxlislari kumiriga aylandi).
Eusebio Di Franchesko o'yindan keyin tashkil etilgan matbuot-anjumaniga kelmadi, Alessandro Florenci faryod chekkancha qolgan bo'lsa, barchaning og'zida – CHaqir.
Prezident Jeyms Palottaning jaxli yomon chiqan: "O'tgan yili biz CHempionlar Ligasida ham "VAR"dan foydalanish taklifi bilan chiqqandik, sababi yarim finalda hakamning xatosi rejalarimizni barbod etgandi. Bugun, videotakrorlar bo'la turib, bizni yana tunab ketishdi. SHikni jarima maydonchasi ichida qoidani buzib to'xtatishgandi, buni VAR ham ko'rsatdi, lekin hakam hech nima qilishni istamadi. Bularning barchasi jonimga tegdi. Aytadigan boshqa gapim yo'q".
Kostas Manolas: "Biz hisobni tenglashtirishimiz mumkin edi, qancha vaziyatdan foydalana olmadik. Ammo men nima uchun hakam takroriy lavhani ko'rishni istamaganini tushunmadim. SHikni ochiqchasiga yiqitishdi – buni hamma ko'rdi".
Daniele De Rossi: "O'tgan mavsum musobaqani tark etganimizda, agar "VAR" bo'lganida, finalda o'ynardik dedik. Ana "VAR" joriy etildi, lekin hech nima o'zgarmadi. Videotakrorlar kelajakda katta foyda keltiradi, biroq bugun inson faktori asosiy omil bo'ldi".
O'yindan avval agar "Roma" omadsizlikka uchraydigan bo'lsa, Di Francheskoga chiqish eshiklari ko'rsatilishi haqida mish-mishlar tarqagandi. Lekin yuzaga kelgan vaziyatni inobatga olgan "Roma" rahbarlari murabbiyga yana bir imkon berishga qaror qilishdi chog'i. Aytishlaricha, Eusebioning yana bir imkoni bo'ladi, ammo Roberto Donadoni va Kristian Panuchchi yangi bosh murabbiylik uchun nomzod sifatida o'rganilmoqda.
Sky Sport Italia xabariga ko'ra esa, Di Franchesko "chaqqonlik" qilib rahbariyat qarorini kutib o'tirmay, o'zi istefo so'rashi ham mumkin.
Bosh sahifaga
254