Bunda Saudiya Arabistonining "Al Hilol" klubi safarda "Al Ayn"ni 1:0 hisobida mag'lub etib qaytdi. Uchrashuvdagi yagona gol saudiyalik mashhur futbolchi Muhammad Al SHlhub tomonidan kiritildi. 38 yoshli futbolchi o'tgan yil aytarli ko'rinish bermagandi. Balki u faoliyatini tugatgan bo'lishi mumkin deganlar ham yo'q emasdi. Ammo bu futbolchi haliyam yaxshi saviyada o'yin namoyish etayotganini isbotladi.
SHarq mintaqasida kurash olib borayotgan Janubiy Koreyaning "CHonbuk Motors" jamoasi esa o'z maydonida Xitoyning "Beyjing FK" klubini 3:1 hisobida taslim etdi. Bu o'yinda ko'pchilikka yaxshi tanish bo'lgan Li Dong Guk o'z hisobiga bitta gol yozib qo'ydi. Qoyil qolish kerak, 40 yoshli hujumchi hamon o'z o'rnini yo'qotib qo'yayotgani yo'q. Li Dong Gukning OCHLdagi gollari soni jami 37taga etdi va shu bilan Osiyo chempionlar ligasi yo'lga qo'yilganidan beri eng yaxshi to'purarga aylanib oldi.
Bosh sahifaga
329