Ularning etuk futbolchilar bo'lib voyaga etishi yo'lida malakali murabbiylar kamarbasta bo'lishayotir. Buning barobarida, yoshlarning mahoratini yanada oshirish uchun turli miqyosdagi musobaqalar tashkil etilyapti.
Xorazm viloyati jismoniy tarbiya va sport boshqarmasi tasarrufidagi Sport o'yinlari va engil atletikaga ixtisoslashtirilgan bolalar-o'smirlar sport maktabi rahbariyati tashabbusi bilan 2007-2008 yillarda tug'ilgan o'smirlar o'rtasida uyushtirilgan ochiq birinchilik ana shular jumlasidandir.
Urganch shahrida bir necha kun mobaynida bo'lib o'tgan mazkur musobaqada 16 ta - Xorazm viloyatining barcha shahar va tumanlari, shuningdek, Samarqand viloyatining Toyloq tumanidagi BO'SM jamoasi g'oliblik uchun bahs yuritdi. Musobaqa avvaliga to'rt guruhda olib borildi, so'ngra guruhida birinchi o'rinni olgan jamoalar uchrashuvlarni davom ettirishdi.
Yarim finalda “Akademiya”(Yangibozor tumani) jamoasining yosh futbolchilari “Xonqa BO'SM”(Xonqa tumani)dagi tengdoshlarini yirik 3:0 hisobida dog'da qoldirishdi. Ikkinchi juftlikda “Yoshlik”(SO'EAIBO'SM, Urganch shahri) jamoasi “Xiva BO'SM”(Xiva tumani) ustidan 3:1 hisobida g'alaba qozondi.
“Akademiya” va “Yoshlik” jamoalari orasida kechgan hal qiluvchi bellashuv nihoyatda hayojonli kechganligi bilan ajralib turdi. O'yinning asosiy vaqtida g'olibni aniqlashni imkoni bo'lmagach, penaltilar seriyasi o'tkazildi. Unda viloyat markazi vakillarining qo'li baland keldi(4:2). Natijada, “Yoshlik” jamoasi 2007-2008 yillarda tug'ilgan o'smirlar o'rtasida tashkil etilgan ochiq birinchilik g'olibiga aylanishdi.
Ikrom XUDOYBERGANOV.
Bosh sahifaga
377