Bugun ertalab soat 9:00da Toshkentdan charter reys bilan parvoz qilgan "temiryo'lchilar" uch yarim soatlik parvozdan so'ng manzilga etib kelishdi.
Xabaringiz bor, ertaga 11 mart kuni "Lokomotiv" Qatarning "Al Rayan" klubiga qarshi bahs olib boradi. Mazkur bellashuv mahalliy vaqt bilan 18:35 (Toshkent vaqti bilan 20:35)da start oladi. "Lokomotiv" 1-turni o'z maydonida BAAning "Al Vahda"ga klubiga qarshi o'tkazib 2:0 hisobida zafar quchdi. Ertangi raqib "Al Rayan" esa ilk turda Saudiya Arabistonining "Al Ittihod" klubiga 1:5 hisobida imkoniyatni boy berdi.
"Lokomotiv" Dohada "Wyndham Grand Regency" mehmonxonasiga joylashdi. Bugun kun tartibidan o'yinoldi miting, matbuot anjumani hamda rasmiy mashg'ulot o'rin olgan. Miting 14:00da boshlanadi. "Lokomotiv" ishtirokidagi matbuot anjumani 15:15ga belgilangan. Rasmiy mashg'ulot esa 18:30da start oladi.
"Lokomotiv"ning Dohaga kelgan tarkibi
Darvozabonlar:
Mamur Ikromov
Javohir Ilyosov
Himoyachilar:
Oleg Zoteev
SHuhrat Muhammadiev
Davron Hoshimov
Islom To'xtaxo'jaev
Anzur Ismoilov
Avazbek O'lmasaliev
Yarim himoyachilar:
Sardor Mirzaev
Yovan Jokich
Husniddin G'ofurov
Igor Yelich
Jamshid Iskanderov
Aziz Amonov
Diyor Turopov
Arslonmurot Amanov
Bobur Ergashev
Hujumchilar:
Temurxo'ja Abduxoliqov
Filip Rayevac
Alisher SHog'ulomov
"Lokomotiv" PFK matbuot xizmati.
Bosh sahifaga
1923