"Paxtakor"ga qarshi OCHL doirasidagi o'yinda ishtirok etish uchun kelgan "Al Ahli" bosh murabbiyi Xorxe Fossati bilan kechagi matbuot anjumanidan so'ng bir masala bo'yicha suhbatlashdik.
Gap shundaki, JCH-2018 saralash bosqichida Qatar rulida ishlagan mutaxassis 8-turdan keyin istefoga chiqarilgan. Yani, Qatarning 8-tur doirasidagi Janubiy Koreyaga qarshi o'yini urugvaylik mutaxassis uchun oxirgisi bo'lgan. O'shanda Fossati Qatar terma jamoasidagi oxirgi bellashuvi bo'lishini o'yindan ikki hafta avval bilgan va Janubiy Koreya ustidan 3:2 hisobida zafar quchgan.
Qatar terma jamoasi ruliga esa o'shandayoq yaqindagina BAAda o'tgan Osiyo Kubogida chempionga aylangan Feliks Sanches kelgandi.
O'zbekiston terma jamoasi esa Suriyaga qarshi o'yinda mag'lubiyatga uchragach, saralash bosqichidagi oxirgi ikki tur, yani Xitoy va Janubiy Koreya bilan bo'ladigan o'yindan avval Xorxe Fossatini terma jamoa ruliga taklif etish varianti paydo bo'lgan.
SHu boisdan ham mazkur masala yuzasidan Fossatiga yuzlandik va quyidagi javobni oldik:
"To'g'ri, Qatar terma jamoasidagi oxirgi o'yinim Janubiy Koreyaga qarshi bahs bo'lishini bilganman. O'zbekiston terma jamoasi varianti? Ochig'i, jiddiy taklif bo'lmagan. Bor gap shu", - deya vaziyatni izohladi tajribali mutaxassis Xorxe Fossati.
Bosh sahifaga
347