Futzal. Terma jamoa murabbiylar shtabida xorijlik mutaxassislar ish boshladi

Terma jamoa murabbiylar shtabida xorijlik mutaxassislar ish boshlashdi. Endi qita birinchiligi yakuniga qadar ispaniyalik Arkait Sisniega Gomez fitness murabbiy, braziliyalik Anholeto Aleksandre esa fizioterapevt sifatida ish olib boradi. Har ikki mutaxassis bilan Osiyo chempionati yakuniga qadar shartnoma tuzilgan, agar O'zbekiston terma jamoasi Kolumbiyada o'tadigan Jahon chempionatiga yo'llanmani qo'lga kiritsa, ular bilan tuzilgan shartnoma muddati uzaytiriladi.

Eslatib o'tamiz, O'zbekiston terma jamoasi Osiyo chempionatida Livan, Qirg'iziston va Saudiya Arabistoni terma jamoalari bilan birga "A" guruhida kurash olib boradi.