Klopp: "Liverpul" "Uembli"ga faqat g'alaba uchun boradi"

Qizillar "Stok Siti"ga qarshi ikkinchi yarim final bahsida 0:1 hisobida mag'lub bo'lishdi, ammo penaltilar seriyasida raqibni 6:5 hisobida taslim etishdi.

"Stadionda ajoyib atmosfera hukmron edi. Kuchli raqibga qarshi zo'r o'yin bo'ldi. Bugun "Stok Siti" o'z o'yin uslubini o'zgartirdi. Ularning tarkibida Jek Batlend va Piter Krauchlar maydonga chiqdi va shu sabab himoyamiz biroz qiynaldi. Bazi muammolarimiz bor edi, ammo kulollar ko'p imkoniyat yaratgani yo'q.

Gol urilgan paytda ikki futbolchi ofsaydda edi, ammo biz penaltilar seriyasida g'alaba qozondik. Muxlislar va "Liverpul" finalga munosib edi. "Uembli" - futbol o'ynash uchun ajoyib joy, ammo biz u erga faqat g'alaba maqsadida boramiz. Mag'lubiyatdan hech kim qoniqmaydi" - deydi Klopp.