Hammasi "Sent-Eten"da boshlangan. O'shanda yosh forvard bahs boylab niqob kiygan: Jamoadoshlaridan kimdir unga bunday qila olmaysan degandi.
"Borussiya"da esa bu ananaga aylandi. Obameyyang futbolchilarni rok-yulduzlarga tenglashtirib, uning vazifasi odamlarni xursand qilish ekanligini aytgan. O'sha paytlarda u O'rgimchak-odam niqobini kiyar edi.
Keyin bu odat uning jamoadoshlariga ham o'tdi. Betmen va Robin - yoki, aniqrog'i Obameyyang va Roys - golni nishonlashmoqda.
Ammo keyin futbolchi chegaradan chiqdi. Navbatdagi niqob biror qahramonga taqlid emasdi. Bu reklama bo'ldi. Obameyyangning Nike bilan shartnomasi bor va niqob uning yangi butsalari ishlab chiqarilgan materialdan tayyorlangandi. Klub ushbu nishonlashga rozi bo'lmagandi - chunki "Borussiya"ning homiyi Puma edi.
100 ming evro jarima to'lashga to'g'ri keldi.
SHunday keyin Per-Emerik uzoq vaqt gollarni niqobsiz nishonladi. Ammo 2 yil o'tib ushbu odat yana paydo bo'ldi.
Gabonlik "Renn"ga qarshi Evropa ligasi 1/8 final javob o'yinining 72-daqiqasida o'z jamoasining uchinchi golini urdi va hammaga o'zining yangi niqobini namoyish etdi. Bu safar hammasi reklamasiz bo'ldi. Niqob - komikslar qahramoni Qora panteraniki. Bunday nishonlash uchun uni jazolashmasa kerak.
Bosh sahifaga
1823