"Bugun O'zbekiston sport olami eng katta yo'qotishni boshdan kechirdi. Mustaqil O'zbekiston tarixida O'zbekiston futbol federaciyasini boshqalardan uzoqroq (deyarli 12 yil) boshqargan, 2013-2017 yillarda milliy olimpiya qo'mitasi prezidenti bo'lgan Mirabror Usmonov 72 yoshida olamdan ko'z yumdi.
Usmonov davrida O'zbekiston o'smirlar va yoshlar terma jamoalari besh marotaba jahon chempionatida ishtirok etishdi, mamlakatimiz besh marta Osiyo chempionatiga mezbonlik qildi va Riodagi Olimpiadada rekord miqdorida medallar qo'lga kiritildi.
Usmonov tufayli sport, xususan futbolga hukumat tomonidan katta mablag' ajratildi va bu sport rivojiga tasir ko'rsatdi. O'nlab stadionlar qurildi va rekonstrukciya qilindi. Usmonovning obro'si O'zbekiston futbol federaciyasini mahalliy rahbarlarning aralashuvidan saqladi. Mirabror Zufarovich davrida bizning sport tashkilotlar misli ko'rilmagan xalqaro obro'ga ega bo'ldi. U xalqaro sport tashkilotlarining boshqaruv organlarida juda ko'p joylarga erishganidan bu o'rinlar uchun mamlakatimizda mutaxassislar etishmay qoldi.
Mirabror Zufarovich sportda rahbarlik plankasini shunchalik yuqori ko'tardiki, uni o'sha balandlikda ushlab qolishning iloji yo'q edi.
2006-2011 yillarda Usmonov qo'l ostida ishlashga muvaffaq bo'lganman, OFKga o'tganimda u bilan turli masalalarda bog'lanib turardim. Mirabror Zufarovich haqiqatdan ham tashkilot ofisida ishlagan federaciyaning birinchi prezidentiga aylandi, u qattiqqo'l bo'lgan, ammo qo'l ostidagilarning haqligini tan olib, kerak bo'lsa qarorini o'zgartira olgan.
Qiziq malumot: O'FF prezidentiga aylangan Usmonov ishining ilk 12 oyida hech kimni ishdan bo'shatmagan. U har bir xodim bilan shaxsan tanishishni va ularning sifatlari borasida o'z xulosasini chiqarishni istagan.
Joyingiz jannatda bo'lsin, Mirabror Zufarovich" - deb yozadi Nikimbaev o'zining Telegram kanalida.
Bosh sahifaga
1878