Jasur Hakimov: "BAA olimpiyachilariga qarshi o'yin qiyin o'tdi"
/ Kiritdi: BestMaster O'qilgan: 1350
Ayni paytda Slovakiyada bo'lib turgan O'zbekiston olimpiya terma jamoasi ilk o'yinni BAA olimpiyachilariga qarshi o'tkazdi.
Uchrashuvda vakillarimiz 1:0 hisobida zafar quchishdi. O'yindan keyin terma jamoamiz hujumchisi Jasur Hakimovdan o'yin haqidagi fikrlari bilan qiziqdik.
"Slovakiyadagi yig'in doirasidagi ilk o'yinni BAA olimpiya terma jamoasiga qarshi o'tkazdik. Bahs kurashlarga boy bo'ldi. Birinchi bo'limda biroz qiynaldik. Ikkinchi bo'limda esa maqsadimizga erishdik va gol urishga muvaffaq bo'ldik. Keyingi o'yinlarga tayyorgarlik allaqachon boshlab yuborilgan.
Fursatdan foydalanib xalqimizni mustaqilligimizning 24 yilligi bilan tabriklab qolaman. Yurtimiz doim gullab yashnayversin", - deydi Jasur Hakimov.
Eslatib o'tamiz, bugun O'zbekiston olimpiya terma jamoasi Saudiya Arabistoni olimpiyachilariga qarshi o'ynaydi.
Bosh sahifaga
211