Portugaliyalik bahs oxirida "Atletiko" ustozi Diego Simeonening birinchi uchrashuvda qilgan ishini takrorladi.
UEFA bu harakat uchun Simeonega 20 ming evro jarima solgan edi.
Malumotlarga ko'ra, Madrid klubi bu voqea bo'yicha UEFAga etiroz bildirishi mumkin.
"Atletiko"dagilarning fikricha, Ronalduning harakatlari Simeonenikidan bemaniroq chiqqan. Argentinalik mutaxassis "Yuventus" darvozasiga urilgan goldan so'ng o'z jamoasi muxlislariga qarata bu ishni qilgan, "Yuventus" forvardi esa bu harakatni raqiblar ishqibozlariga ko'rsatgan.
Bundan tashqari, uchinchi goldan so'ng videokameralar portugaliyalikning "Atletiko" muxlislari tomon aytgan odobsiz so'zlarini ("iflosning bolalari") suratga olgan.
Agar UEFA Krishtianuga qarshi ish oscha, futbolchi Simeone kabi jarimaga tortilishi mumkin.
UEFA Ronalduning harakatlarini zo'ravonlikka undash deb hisoblasa, portugaliyalik bitta o'yindan uchta o'yingacha chetlatilishi mumkin.
Bosh sahifaga
154