Boburbek Yuldashev: “Golim terma jamoaga g'alaba keltirganidan xursandman”

Uchrashuvda yagona gol muallifi Boburbek Yuldashev bilan bog'lanib, fikrlari bilan qiziqdik.

- O'yin yaxshi o'tdi. BAAni barcha biladi, ular ham o'ziga yarasha kuchli raqib. Aslida ham maqsadimiz turnirni ijobiy natija bilan boshlash edi. Buning uchun barchamiz astoydil xarakat qildik va g'alaba ilinjida yuqori ishtiyoq bilan to'p tepdik. Yakunda mexnatimiz evaziga muvaffaqiyat qozondik.

- Albatta urgan golim terma jamoamizga g'alaba keltirganidan xursandman. Nasib qilsa endi kelgusi bahslarda ham xalqimizni ijobiy natija bilan xursand qilishga xarakat qilamiz.

- Slovakiyada o'tayotgan o'ziga xos yig'in qoniqarli o'tmoqda deyish mumkin. Bu erda bizga barcha sharoitlar yaratilgan. O'ylaymanki mazkur xorij yig'ini biz uchun foydali bo'lishi aniq.

- Musobaqada yuqori saviyadagi jamoalar ishtirok etmoqda. SHuning uchun ham o'yinlar keskin kurashlar ostida o'tmoqda deyish mumkin – deydi Boburbek Yuldashev.

Islombek Rustambekov.