O'zbekiston – Yaman uchrashuvidan oldingi matbuot anjumani “Paxtakor” stadionida o'tkaziladi

2015-09-01 15:00:01 / Kiritdi: BestMaster O'qilgan: 1523

O'zbekiston hamda Yaman terma jamoalari bosh murabbiylari ishtirokidan o'yindan oldingi matbuot anjumani 2 sentyabr soat 11:00da "Paxtakor" stadionida boshlanadi.

Dastlab, 11:00da boshlanadigan matbuot anjumanida O'zbekiston milliy terma jamoasi bosh murabbiyi Samvel Babayan OAV savollariga javob beradi. Soat 11:30da esa Yaman terma jamoasi vakillari ishtirokida matbuot anjumanining ikkinchi qismi boshlanadi.

"Paxtakor" stadionida bo'lib o'tadigan matbuot anjumaniga barcha turdagi OAV xodimlari taklif etiladi.

O'zbekiston hamda Yaman terma jamoalarining o'yindan oldingi rasmiy mashg'ulotlari ham "Paxtakor" stadionida bo'lib o'tadi. Unga ko'ra, soat 18:30da dastlab O'zbekiston milliy terma jamoasi ishtirokidagi mashg'ulot boshlanadi. Soat 19:30da esa Yaman terma jamoasi azolari "Paxtakor" stadionida mashg'ulotlarini boshlaydi. Har ikkala terma jamoa ishtirokidagi mashg'ulotlarning dastlabki 15 daqiqasi OAV uchun ochiq holda o'tadi.

Teglar: ozbekiston, yaman, uchrashuvidan, oldingi, matbuot, anjumani, “paxtakor”, stadionida, otkaziladi,
← Oldinga Orqaga →