Malumki, FIFA kunlari sabab Superligada tanaffus yuzaga kelgan. SHu bois "Lokomotiv" murabbiylar shtabi futbolchilarga biroz muddat dam berishga qaror qildi. Endi jamoa azolari 21 mart kuni to'planib O'zbekiston Superligasining navbatdagi turiga hozirlik ko'rishni boshlaydilar.
"Lokomotiv" 2-tur bahsini 30 mart kuni o'z maydonida "Navbahor"ga qarshi o'tkazadi. TTZ "Lokomotiv" stadionida bo'lib o'tadigan mazkur bellashuv soat 19:00da boshlanadi.
Ayni paytda "Lokomotiv"ning etti nafar futbolchisi O'zbekiston milliy terma jamoasi bilan Xitoyda bo'lib turibdi. U erda bosh jamoamiz China Cup-2019 musobaqasida ishtirok etadi. Terma jamoaga taklif etilgan "Lokomotiv" futbolchilari ro'yxati: Javohir Ilyosov, Anzur Ismoilov, Islom To'xtaxo'jaev, Davron Hoshimov, Oleg Zoteev, Sardor Mirzaev va Temurxo'ja Abduxoliqov.
SHuningdek, Aziz Amanov O'zbekiston olimpiya terma jamoasiga taklif etilgan. Olimpiya terma jamoamiz 22-26 mart kunlari Toshkentda U-23 Osiyo chempionati saralash bahslarini o'tkazadi.
Bosh sahifaga
217
