Faxriy mehmonni Islom Karimov nomidagi Toshkent xalqaro aeroportida MOQ prezidenti, O'zbekiston futbol associaciyasining birinchi vice-prezidenti Umid Ahmadjonov kutib oldi.
Martabali mehmonni qarshi olar ekan Umid Ahmadjonov Qatar futbol associaciyasi prezidentini mamlakat terma jamoasining Osiyo Kubogidagi muvaffaqiyati bilan samimiy muborakbod etdi.
Qatar futboli so'nggi yillarda jadallik bilan rivojlanib bormoqda. Buni terma jamoa joriy yilgi Osiyo Kubogida g'alaba qozongani, 2022 yilgi jahon chempionatiga mezbonlik qilishidan bilib olish qiyin emas.
Malumki, O'zbekiston va Qatar futbol associaciyalari o'rtasida o'zaro hamkorlik borasida memorandum imzolangan. Ushbu tashrif davomida ikki terma jamoaning asosiy va turli yosh toifalari o'rtasida o'rtoqlik uchrashuvlari, hakamlar va murabbiylar uchun turli seminarlar tashkil qilish borasida kelishuvlar amalga oshishi kutilmoqda.
Har ikki associaciya rahbarlari ertaga MOFA (Markaziy Osiyo futbol associaciyasi) ning navbatdagi kongressida ishtirok etish uchun Qirg'iziston poytaxti Bishkek shahriga jo'nab ketishadi.
Qatar futbol Associaciyasi prezidenti Toshkentga keldi
/ Kiritdi: BestMaster O'qilgan: 279
Bosh sahifaga
1910