Anzur Ismoilov terma jamoa safida 100-uchrashuvini o'tkazdi

SHuni aytish lozim, bu o'yin tajribali himoyachi Anzur Ismoilov uchun milliy terma jamoadagi 100-uchrashuv bo'ldi. Malumot uchun, O'zbekiston terma jamoasida hozircha 100ta va undan ko'p o'yin o'tkazgan futbolchilar soni uch nafarni tashkil etardi. Bular - Timur Kapadze, Server Jeparov va Ignatiy Nesterov.

Anzur Ismoilov terma jamoadagi debyutini 2007 yil 2 iyul kuni Iroq terma jamoasiga qarshi o'tkazgan. O'shanda jamoamiz 2:0 hisobida zafar quchgandi.

Agar yilma yil oladigan bo'lsak, Anzur 2007 yil 3ta, 2008 yil 9ta, 2009 yil 8ta, 2010 yil 7ta, 2011 yil 8ta, 2012 yil 8ta, 2013 yil 12ta, 2014 yil 7ta, 2015 yil 13ta, 2016 yil 8ta, 2017 yil 5ta, 2018 yil 7ta va bu yil hisobidan hozircha 5ta o'yinda maydonga tushdi. Eslatib o'tamiz, bunda rasmiy o'yinlar bilan birgalikda FIFA kunlari o'tkazilgan o'rtoqlik uchrashuvlari ham hisobga olingan.