"Bugun juda yaxshi o'ynadik deb o'ylayman. Yani 90-95 daqiqa davomida biz o'yinni to'liq nazorat qildik. Agar bugun bir jamoa g'alaba qozonishi kerak bo'lsa o'sha jamoa biz edik. Uchrashuvda 2-3ta vaziyatlar bo'ldi, ammo undan foydalana olmadik. Muhim o'yinda yaxshi o'ynab, keyingi bosqichga chiqdik. Bugungi uchrashuv uchun futbolchilardan minnatdorman", - deydi Lyubinko Drulovich.
- Jamoa dekabr oyidan buyon ushbu saralash bahslariga tayyorgarlik ko'rdi. Ammo ikki o'yinda ham yorqin o'yin ko'rmadik.
- Men kelganimga ikki oy bo'ldi. Balki Hindiston va Tojikiston bilan o'yinlar o'xshamagandir. Ammo birinchi o'yinda 3ta gol urdik. Bugun ham hisob ochilmagan bo'lsa ham jamoam fantastik o'ynadi deb ayta olaman. CHunki natija juda ham muhim edi. Bu jamoaning o'yinidan to'la qoniqdim.
- Osiyo chempionatiga qadar tarkibda o'zgarishlar bo'ladimi yoki mana shu yigitlar asos bo'lib xizmat qiladimi?
- Qita chempionatigacha hali vaqt bor. Biz yana ham yaxshi o'ynab Osiyo chempionatida munosib ishtirok etishga harakat qilamiz. Asosiy maqsadimiz Olimpiada o'yinlariga chiqish. Sizlarga yoqadigan o'yin va ko'plab gollar urishga harakat qilamiz. Bobir Abdixoliqov jarohati sababli saralashda to'liq kuch bilan o'ynay olmadi.
- Futbolchi o'zining klubida o'ynab tajriba to'plagani maqulmi yoki terma jamoa yig'inlarida yurganimi?
- O'yinchi klubda qancha ko'p o'ynasa bu terma jamoaga ham foyda bo'ladi.
- OTJ yig'inlari Superliga o'yinlari paytida bo'ladimi yoki faqat FIFA kunlaridami?
- Bungacha ikki oy davomida terma jamoa birga bo'ldi. Endi futbolchilar klublari safida o'ynashlari kerak. Yig'inlar faqat FIFA kunlari paytida bo'ladi.
- Biz Olimpiadaga chiqmoqchi bo'lsak Koreya, Yaponiya, Avstraliya kabi jamoalarni mag'lub etishimiz kerak bo'ladi...
- Albatta Evropa va Osiyoning grand jamoalari bilan o'ynashga harakat qilamiz. SHu orqali kuchli jamoalarga tayyorgarlik ko'ramiz.
- Terma jamoaning markaziy yarim himoyasi kuchsizdek ko'rinmoqda. Asosan qanotlardan hujum qilayapmiz...
- Bugun yarim himoyachilarimiz u qadar yomon o'ynashmadi. Abdullaev, Rustamov, O'runov kabi futbolchilar bor. Abror Ismoilov esa jarohat olgani bois o'ynamadi. To'g'ri o'yin paytida to'p yo'qotishlar bo'ladi, ammo uchrashuv bizning ustunligimiz ostida o'tdi.
Bosh sahifaga
2014