Hali barcha o'yinlar to'liq tugagani yo'q. SHunga qaramay, aksar guruhlarda muvaffaqiyatli ishtirok etib kelasi yil Tailandda bo'lib o'tadigan U-23 Osiyo chempionati yo'llanmasini qo'lga kiritgan jamoalar malum bo'ldi.
Saralash bosqichida jamoalar 11ta guruhda kurash olib borishdi va hozircha 8ta guruhda 3-tur bahslari o'z yakuniga etdi. SHundan so'ng guruhdan birinchi o'rinni egallagan hamda ikkita eng yaxshi ikkinchi o'rin ko'rsatkichi qayd etgan jamoalar aniq bo'ldi.
Xabaringiz bor, bugun O'zbekiston olimpiya terma jamoasi Tojikiston bilan 0:0 o'ynab guruhni birinchi o'rinda tugatdi. Saralash bahslari yakuniga etgan 8ta guruhdan quyidagi peshqadam jamoalar musobaqa yo'llanmasini qo'lga kiritishdi: KXDR, Iroq, Iordaniya, O'zbekiston, J.Koreya, Yaponiya, Xitoy va Vetnam. SHuningdek, Avstraliya bilan Eron ham eng yaxshi ikkinchi o'rin ko'rsatkichi bilan U-23 Osiyo chempionatiga yo'l oldi.
Qolgan omadli beshta jamoa nomi bugun tunda malum bo'ladi.
Bosh sahifaga
303