Aleksey Evstafeev: "Hozir yaxshi futbolchi topish qiyin"

"Toshkentda 12 kunlik yig'inimiz o'z yakuniga etdi. Rejalashtirilganidek 4ta o'rtoqlik uchrashuvini o'tkazdik. "Obod", "Olmaliq", "So'g'diyona" va Tojikistonning "Istiqlol" klublariga qarshi o'ynadik. Oxirgi "So'g'diyona"ga qarshi o'yinni hisobga olmaganda barcha bahslarda ob-havo yaxshi bo'ldi. Ko'plab yangi va yosh futbolchilarni ko'zdan kechirdik. Ish davom etadi. Oldinda Farg'ona Hokimi Kubogi turibdi. Unda ikki tarkib bilan ishtirok etamiz".

"Tarkibga chaqirilgan barcha futbolchilar Hokim kubogida ishtirok etadi, hozircha hech kimga javob berganimiz yo'q. Fevral oyining 12 sanasida poytaxtga kelib navbatdagi yig'inni boshlaymiz".

"Yangi futbolchilar borasida ish olib borilmoqda. Yaxshi va talabimizga javob beradigan futbolchi bo'lsa albatta tarkibga jalb qilamiz. Hozirgi paytda yaxshi futbolchi topish juda qiyin. Himoyaga ixtisoslashgan yarim himoyachi bo'lsa yo'q demasdik. Sababi bu erda o'ynaydigan Javohir Rasulov jarohat olgan, Umid Qodirovning sog'ligida kichik muammo bor".

Olimpiya terma jamoasida o'ynagan darvozabon Abdumavlon Abdujalilov "So'g'diyona"ga qarshi maydonga tushdi, Doston Tursunovga esa dam berdik. U Farg'onadagi musobaqada ishtirok etadi", - deydi Aleksey Evstafeev.