"Raqibimiz O'zbekiston Kubogining amaldagi sohibi, O'zbekistonda xizmat ko'rsatgan murabbiy Mirjalol Qosimov boshchiligidagi jamoa edi. Qosimovni o'zimga ustoz deb bilaman. O'yindan oldin ozgina hayajon bor edi.
Birinchi tur va ikkinchi tur o'rtasida tanaffus yuzaga kelgani bois yana kichik yig'in o'tkazishga majbur bo'ldik. Bugun g'alaba qozonishimiz shart edi, buni uddaladik", - deydi Hamidjon Aktamov.
- Bugun Medina Smit debyut qildi va gol urdi. U haqida gapirib bering.
- Bu futbolchini Turkiyadagi yig'inda ekanligimizda uning o'yinini ko'rdim va jamoaga taklif qildim. Smit 1998 yilda tug'ilgan, 21 yoshda. Nikaraguada bizdagi kabi sharoitlar yo'q. O'yinlari yomon emas, hali bundan ham yaxshi o'ynaydi.
- "Qizilqum" o'z legionerlarini uzoq vaqt saqlab qoladi. Bunga sabab nima?
- Bilmadim. To'g'ri ish olib borayapmiz, balki shungadir. Lekin bizda "otni kallasidek" pul yo'q. O'tgan yildan qolgan mukofot pullari ham bor. Futbol endi shunday, bugun bizda bayram. Bayramni davom ettirish uchun harakat qilamiz. Ustozim Islom Ahmedovga chuqur minnatdorchiligimni bildiraman. Jamoamiz shunday shakllanishiga Ahmedovning xissasi katta edi.
Mirjalol Qosimovni birinchi marta mag'lub etgan Hamidjon Aktamov o'yindan keyin nimalar dedi?
/ Kiritdi: BestMaster O'qilgan: 393
Bosh sahifaga
219
