- Natijadan mamnunman. Birinchi turdagi mag'lubiyatdan keyin ruhiy holatimizni biroz tiklab oldik. SHu boisdan ikkinchi bo'limda o'zimiz kutgan o'yinni oz bo'lsa-da ko'rsata oldik. Birinchi bo'limda esa barchasi biz o'ylagandek bo'lmadi. Ammo shuni ayta olamanki, raqiblar emas, biz o'z vazifalarimizni o'zimiz qiyinlashtirdik. Ikkinchi bo'limda gol urganimizdan keyin ishimiz biroz osonlashdi. Oldindagi muhim o'yinlar bor. Bugun kerakli bo'lgan uch ochkoni qo'lga kiritdik. Umid qilamanki, keyinchalik chiroyli o'yin ko'rsatish uchun ajoyib qadam tashladik.
Anzur Ismoilov qanchalik mahoratli himoyachi ekanligini yaxshi bilasiz. U yaqinda termadan keldi. Milliy jamoada o'yin biroz boshqacharoq, himoyalanish uslubi boshqacharoq. Bu erdagi o'yin esa termadagidan keskin farq qiladi. SHu faktorlarni ham hisobga olish kerak. Javohir Ilyosovni ham ko'pchilik yaxshi biladi. Biz uning mahoratiga shubxa qilmayotganimiz uchun asosiy tarkibda tushuryapmiz. Umid qilamanki, Javohir ham bizning tempga moslashib ketadi.
Timurxo'ja Abduxoliqov: - Avvalambor, "Navbahor" jamoasini tabriklayman. Ular juda yaxshi o'yin ko'rsatishdi. CHempionat doirasida o'z maydonimizda har doim ham bunday tempdagi o'yinlar kamdan kam bo'ladi. Jamoaning o'yini anchagina shakllangan. Birinchi bo'limda ular bizni qiyin ahvolga solib qo'yishdi. "Navbahor"ga omad tilayman.
Bosh sahifaga
200
